|
虽然话星座系参考作用,但有时候星座讲嘅个人性格同男女配对方面的确有D根据,所以大家都不妨参考一下。
经过多年嘅经验,得出以下结论,全部由我拍拖同交友史嚟亲身验证过:
我特别建议所有狮子同天秤谢绝拍拖或结婚,因为你地最后嘅收场都系只能活系记忆中、惨痛收场。初拍拖时候可以好轻松,好甜蜜,因为狮子出众,天秤幽雅,系面子上两星系互相吸引。但到面对问题或组织家庭嘅时候,你地会死得好惨,因为狮子系勇敢、粗糙,遇到问题会挺身而出,而天秤系躲避问题最叻,软皮蛇顶级高手,所以双方系解决问题上狮子最终会心力交瘁而死。仲有狮子比较霸道,而天秤骨子里又超优柔寡断,两星处事风格好大差距,所以天秤同狮子系唔会同声同气,两星拍拖的话狮子情绪会被天秤嘅“有问必顶”同软皮蛇风格抑压得好辛苦,而天秤又会被狮子嘅内心敏感而整到风向唔定,两星始终一日会排山倒海咁互爆,而爆咗之后90%系无得转弯,因为狮子嘅攻击性系十分尖锐到位,而天秤又系自尊心超强同悲观,所以天秤系唔会淋下狮子点解发咁大脾气,目的何在?更加唔会知道狮子系爱你先至吼你,只会认为狮子太变态唔再适合自己,可以异常安静咁离去,而狮子又唔会明白天秤个种随遇而安嘅心态,最后狮子只会落得痛苦遗憾,天秤也只可以系记忆中画上叹号,如果而家你地两星已经系一对而且好甜蜜嘅话,可以唔信,但火山离你地唔远了。
其次,狮子同处女/摩羯系完全唔过电星座,信不信由你。
同狮子做情侣或夫妻最夹嘅星座系巨蟹、双鱼、水瓶,唔信可以一试,前者会感受到前所未有嘅被崇拜感同满足感,而后三者又感觉到前所未有嘅爱情滋润同安全感。
而做朋友最夹系白羊、射手、狮子,因为你地会揾到共鸣;而最唔夹系金牛、双鱼、双子,因为前者会觉得后三者分别系超古板、超幻想、超幼稚嘅三大典范,而后三者又觉得前者系好主观嘅人。
我系天枰,距系狮子,
唔该大家觉得上面讲的啱唔啱 |
|