如果有時間有心情嘅,希望大家可以睇完,俾D意見我.
07年新年,緣分將我同佢好偶然咁拉埋,佢成晚就係望住我傻笑.
本來係冇霖過同佢一齊,因爲個時,我覺得首先,冇乜feel,其次,佢屋企有錢,我怕自己高攀唔起.
後來我哋都見過幾次,但都係朋友關係,我唔俾佢拖我手或者任何身體接觸.一次,佢突然捉住我手話:"我以後唔會放手"
或者係呢句話,我覺得好感動,我同佢講,佢屋企人肯定會反對,佢話唔會,屋企人唔理呢D事.
個年佢21歲,叫做大學剛畢業.
後來,佢屋企人知道,聽講係反對,因爲我屋企唔夠有錢,但佢同公司個同事講,如果佢老豆真係反對,佢寧願唔幫屋企手自己出去打工.
不過後來,事情丟淡咗,但佢屋企人冇提出要見我,我都冇逼佢帶我翻屋企,或者連我自己都怕佢屋企人反對,我自己都唔想面對.
我哋一直好開心咁過咗2年,我哋未嗌過大交,今晚嘈完,第二日就好翻,早上嘈完,夜晚就好翻,節日,我唔敢要佢送禮物俾我,雖然有時我會激下佢,但到咗佢真係話要買,我就阻止佢,因爲我怕人哋話我貪佢錢,所以我唔敢要,我仲叫佢同我一齊儲錢,如果以後佢屋企人話我,我可以話俾佢哋知,你個仔D錢都儲曬係銀行,雖然唔多.平時佢早下班,會過嚟我公司出面等我,見下我,得閑佢就會俾電話我,兩年,我哋未試過有一日唔通電話,早上如果佢話想食乜,我就去買定早餐等佢上班就過嚟食.得閑我會燉湯佢飲,因爲佢話唔錯,佢話成日覺得攰,我就褒去濕湯佢飲,我儘量去做好佢嘅好好女朋友,唔出夜街,所以我身邊連朋友都冇,我仲搵份兼職,人哋都話我使乜咁辛苦,但我想證明俾佢屋企人睇,我係叻女!
但上星期一晚,我哋因爲D唔大唔小嘅事嗌交,星期二中午,冇進展,後來,佢話算拉,冷靜下.我知今次肯定出問題,于是,我哋第一次咁耐唔通電話,後來我忍唔住俾信息佢,佢話對唔住,叫我以後唔好搵佢.我叫佢齣嚟,佢望都唔望我,因爲每次佢見到我都會心軟,我原本搞唔清楚點解,後來,知道佢老豆一直都唔中意,可能我又都太緊張佢,知道佢依家上班心不在焉,我心好痛,如果真係佢唔愛我,我冇嘢講,我唔習慣冇佢,好難過,我知自己好餓,但真係食唔落嘢,又瞓唔著,瞓咗一陣就醒再瞓再醒,冇心情做任何嘢.腦裏面唔係佢就係佢.兩年時間,唔係話放手就可以放手,moto車牌號碼係佢個名仲有生日(因爲係假牌),所有銀行卡密碼係佢生日,郵箱又係佢生日,密碼係佢名,QQ又係佢,全部都係佢,我唔想改,唔捨得改.佢一直係度避我,甚至講D好晦氣嘅嘢嚟激我.
yao,唔通真係冇辦法嗎?我寧願係你父母親口同我講反對,我唔想見到你同我咁..
有冇人經歷過?有冇人知道應該點做?我真係冇辦法,我想佢知道,我心裏一直都有佢..
我係馬甲,開另一個帳號只係我覺得自己冇辦法面對,所以希望知道我係邊個嘅唔好講,多謝! |