|
|
同佢倾咗整两个月电话，一直未见过面，倾得好投契，可能就咁样，倾倾下倾出感情嚟，我自己感觉喺，唔知佢感觉点……
最后终于约出嚟见面，但可能自己觉得有D唔好意思，因为喺我约佢的……约佢个日，自己一个人在外面逛咗好耐都唔敢打电话给佢话到咗（佢叫我快到时讲佢听，佢再开车出嚟），实在喺惊青得制，好似大乡里出城，未见过大场面咁……
到咗中午时候，无奈下打电话给个朋友，叫佢出嚟陪我，当时心谂都喺见佢唔成，冇办法，自己唔敢打电话过佢，佢又冇打过来……点知刚打完电话给个朋友无耐，佢就打电话问我到咗未，见咁耐都冇消息，担心……当时听到佢电话真喺好开心，好心急想见下佢喺点嘅……
见面个时，唔知点解，本来倾电话倾都唛都讲了，但面对面仲喺有D尴尬，唔敢正面望住佢，可能当时生咗太多豆，样衰得制，自卑挂……揾个地方坐落就打电话通知朋友，报告位置，叫佢快D，途中至少打咗三个电话给朋友……换句话讲，同个男单独相处时间先得半个钟，佢叫我去唱K，叫埋我朋友一齐，但我拒绝咗……之后我朋友就到了……朋友一到我地两个就搏命咁讲野，个男好似搭台嘅咁，冇机会插嘴……
大概坐左一个钟，我朋友叫我陪佢去买野，于时我地就埋单走人，跟住男嘅话：你哋去买野，咁我走先了，唔阻你地嘞……当时觉得有D衰，想叫佢同我地一齐行，但又唔好意思，就咁样讲声88，各行各路……我朋友临走时开玩笑话：你衰了，抛弃人地……男的话：旧嘅唔去新嘅点嚟吖……听佢咁讲，当时经已觉得有D唔对路……于是晚上发信息给男的，问佢有没介意我朋友讲嘅野，佢话冇，我就以为冇事了……点知过咗两日，佢都冇再揾过我，收尾在其他人口中得知，佢话我冇诚意，山长水远跑出来见我，我居然叫埋我朋友都算了，仲死打电话催个朋友快D到，唔知谂唛……
就咁，佢冇再揾过我了，但自己又唔死心，想知道佢喺介意我叫我朋友还是其他原因，于是发信息给佢问佢喺咪好憎我，个晚零晨佢先复我电话，但我冇听到，隔日再问佢揾我唛野事，同样是零晨复我电话，我唔敢听，怕听到D自己唔想听嘅野，于是发信息给佢咁夜唛野事，佢打电话过嚟，我挂咗佢线，话唔舒服唔想听，个次后佢就真真正正冇再揾过我了……
感觉好多野都喺自己一手做成，但又唔敢去同佢讲清楚，想知道佢谂法，时不时见到佢上自己嘅空间，都想清楚佢个心点谂，喺咪都好似我咁……事隔快一个月了，但我仲喺放唔低，我应该点做好吖，喺咪应该揾个机会同佢讲清楚，唔使自己日后感到遗憾吖，教下我啦……
|
|
发表于 2009-3-25 10:47:36
加上你同距约会居然仲带多朋友？？？从呢两点，可以讲你系彻底失败左咯·！ 以后5好甘傻啦！
