|
|
人物简介：
我F=JJ
Boy=相亲男
小Q=Ex
我F（女，20~25岁，未拍过拖，以下简称JJ），相貌身材还算可以，对得住观众，行出街唔会吓亲街坊
受JJ屋企影响，要求一定要同本镇嘅人结婚（该镇平均结婚年龄22岁，多数为大学毕业or大学阶段结婚），于是系毕业之后就系屋企嘅安排（同威逼无异）之下，同一个男仔（25~28岁，以下简称Boy）相睇，食过两三餐饭，系未拖过手，未kiss过，当然仲系处子之身，双方家长强烈撮合嘅情况下，登记结婚，预定几个月之后摆酒。。。
以上系故事序言，而家故事开始——
就系登记咗之后某日，JJ系Boy嘅blog发现，文章之中有一个神秘女仔名称出现（以下简称“小Q”），大概内容系讲，“今日打开以前嘅礼物，礼物嘅香气令我谂起以前同小Q一齐嘅日子，路过曾经同小Q漫步过嘅寸寸道路，小Q嘅身影，触动我每一寸神经，我明白，我根本无可能忘记佢。。。”之类之类，而且唔只一篇类似嘅文章。
JJ即刻搵Boy对质，而Boy亦坦言，小Q系佢之前拍拖好多年，因为屋企原因而分开嘅Ex，Boy希望同JJ结婚之后，可以用对JJ嘅好，忘记小Q。。。
嗰个时候，JJ同Boy已经登记咗，而离婚，对于一个女人嚟讲，未免系极大嘅伤害，尤其系咁封建嘅城镇入面，离婚，JJ屋企将成为全镇嘅笑柄。无奈之下，JJ只能忍，忍受一次又一次系Boy嘅blog入面见到Q嘅名，忍受文字里面一段又一段相思想念刻骨铭心嘅难忘回忆，以及一句又一句出自Boy之口嘅“俾啲时间我，我会处理”。。。
直到上个月嘅某日，Boy突然发信息俾JJ（一向都系JJ主动搵Boy），Boy打算同JJ离婚，同Q复合，即系话，JJ，一个未正式拍过拖，未拖过手，未kiss过，当然未发生任何关系嘅女仔，好快就可能成为一个弃妇，一个离过婚嘅女人。。。
问题1：如果你系JJ，你会点做？（请考虑家族环境＆农村因素）
问题2：我可以俾啲咩意见JJ？
问题3：觉得Boy系咩心态？
=========================
=============
续：
本来JJ想先私底下沟通，最好当然唔离婚，但如果真系要走到嗰一步，希望越低调越好，至少系双方协调好之后，再知会双方家长
结果总系出人意料之外，早两日，Boy同埋Boy嘅父母突然一齐“拜访”JJ屋企，开门见山向JJ父母提出离婚。。。
知道呢件事后嘅JJ，只要求Boy俾一个离婚嘅理由，而Boy嘅理由系，当年佢因为屋企反对而放弃小Q，而家唔想再行错路，希望过属于自己嘅生活。好快佢会搵小Q复合，希望JJ成全佢，尽快同佢搞掂所有手续
既然行到呢一步，而且已经闹到咁大，再沟通落去已经毫无意义，而家剩低嘅，就只有离婚嘅赔偿问题，尚在协商中。。。 |
|
发表于 2009-5-5 13:43:25
