今日突然想係度寫D嘢,或者係因爲潜水太耐,想浦下頭,又或者呢排我真係好得閑,又或者想同人分享下最近嘅一D無聊嘢.
以前,一直覺得自己將愛情睇得好重,可以為呢樣嘢放弃好多嘢.
後來努力嘅嘢都係變咗,或者係大家都攰了,或者係我配唔起人哋等等,都算了,反正過去了.
之後,我學著自己一個人過,要面對屋企,面對朋友,係大家面前講我冇嘢.
以前有乜麻煩事,第一時間打個電話,就有人來了,
有乜開心事,又係第一時間打電話,見到乜嘢好嘅嘢,第一時間都係霖到對方.
依家乜嘢都要自己.開心事,有時間用朋友講下,唔開心事,就發下自己脾氣算了.
記得剛單身,一次同朋友去打羽毛球,因爲太多女仔,所以霖住叫個男嘅朋友齣嚟,結果,個時先發現,如果自己電話裏面冇幾多個男性電話.
之後慢慢慣了,冇人管,又唔使管人,唔再怕識其他异性,又唔怕出夜街.突然發現,原來單身其實幾好.
最少多咗好多新奇嘅節目,識咗好多我霖都唔敢霖會識到嘅人.
到咗琴晚,7點幾係桂城翻到西樵,由于D好無奈嘅原因,要我自己行路翻屋企,
中間有個小插曲就唔講了,反正就行到腳痛,連鞋都除埋,結果行行下就喊了,突然霖起某人,
唔係以前嘅男朋友,係一個見過都幾多次,不過我完全唔明嘅一個人.
朋友都話,佢係浦精,事實呱,其實我都知,但唔知點解,我就係對佢好奇.
佢會令我反省好多問題,最近嘅問題係,"我係米一個完全冇令人犯罪嘅魅力嘅人?"
係我太差,抑或係佢識個D人都太優秀...暈.
到底我係一直記憶著個種感覺,抑或係個個人?
一個屬于大衆,難以私有化嘅男人...點解會識到個咁嘅人,仲要對佢如此好奇...
8月的我,有點無聊,有點無奈. |
发表于 2009-8-19 16:52:23
