|
|
为佐故事嘅连贯性..所以就唔重新开新贴...直接响度编辑算喽......
睇佐大家俾嘅意见,,同埋上次去求签嘅结果(糸上上签).....决定同A君先接触......
但糸却不如理想..
1.冇时间观念...(我至憎就糸俾人呃..其次就糸唔守时)
有一次..早上约好佢11点出发到西樵同我朋友食饭,,点知11点仲未见人,打佢电话就话依家出发.20分钟后到我屋企楼下...点知左等右等..最后居然12点半先到........理由糸佢个车爆胎..所以迟佐.....(OK..呢次算)
上个星期...约好佢8点到我屋企.....,8:30到九江接个朋友...9点到西樵......(因为一早同朋友约好,所以我以经提前成10日同佢讲佐)
结果,8点俾电话佢....就话依家先准备开车,20分钟后到.....点知等到9点先到,,,,,,呢次理由就糸个车冇气....救命..之前已经同佢讲好时间嘅喇....明知要出去嘅喽.....出门先话个车无气..每日都要用车嘅喇,,咁都唔检查清楚.....如果嗰个时间段真糸唔得闲嘅话,,当时问佢时间嘅时候,就唔好话随便我喇.....应承佐人又以做唔到....
2.饮食问题
粥粉面饭,,,,我可以好随便...只要糸好食嘅,,我都会中意.......但糸佢正餐就一定要有饭......而且饭同菜一定糸分开...唔要饭菜混埋一齐(好奇怪)但糸我就中意咩都试下....
上次.响日本料理店....佢要点个拉面,,又要另外配一个白饭..(汗 )
响面店.....下午茶时候..套餐有特价(粥+粉或面)..佢又要点...但糸食佐个粥都已经饱喇......个粉根本就食唔落......(又咪一样浪费..平都要自己食得落先得咖...)
早餐,,佢又要买一大堆嘅包同饼响个车度.....我从来都唔会食...但糸佢就中意一边开车一边食嘢(当然糸响红灯等车时候食....但糸俾我感觉好差,,,,个手又开车,,又攞嘢食,,..好唔讲卫生)
平时佢仲会讲一啲冷笑话.......气氛好怪
刚开始,,我都以为自己可以接受咖.....佢有车有楼..人品都几好(唔烟唔酒唔赌唔蒲)但糸年龄相差太远.....真糸好有代沟......
呢两日突然好想放弃喽,,,反正只糸刚开始拖手.....唔想第日先来后悔........
如果糸你..会点样拣??
1.A君..
各方面条件都好好..有车有楼..对你亦好.....但糸年纪却几乎糸你嘅一倍.......
同佢一齐可以少奋斗20年或以上.(当然..就算我点样奋斗都冇可能响20年内,揾够钱买楼..买车.)
2.B君..
只糸网上识嘅朋友,,认识快两年.....但糸却远在泰国,,须然有见过面..但糸相处嘅时间好少,,平时只糸倾电话..上QQ..感觉好唔真实.....
谈婚论嫁嘅话,,,好似有啲儿戏......
3.C君..
年纪同你相乎...只糸一个普通嘅打工仔..同佢一齐,,,要有足够嘅心理准备.......人哋成日都话贫贱夫妻百事哀.....
的确,,有时响妇幼见到啲孕妇,,,箩筐咁大嘅肚,,仲要顶住烈日,,坐摩托车去做产检,,感觉好可怕.......
4.D君.
年纪亦差不多,,但糸却响父母嘅庇护下长大...咩事都唔识谂,,成个长唔大嘅细路...有时感觉会好激气...
(感觉呢种人只适合拍拖,,但却唔糸理想嘅结婚对象)
拍拖可能糸一时冲动,,,但结婚就糸一生嘅承诺.......
每个人都唔希望会行错....... |
|
发表于 2009-8-27 10:58:53
