|
大家讲讲心目中嘅理想对象啦,系想对住一世嗰种
我心目中嘅理想对象就同中国足球夺取世界杯、中国人民当家作主、全世界无产阶级进入共产主义一样,得个想字
每个条件都唔高,但系估计我遇唔到尼个交集
有feel
(最重要一条,亦系基本条件,冇feel嘅话,一切免谈)
处唔处女冇所谓,反正已经成为历史,唔好揭开历史新一页就得
(既系唔得背叛)
绝对唔可以食烟,可以饮酒,但系唔可以酗酒
(虽然我饮少少酒都醉,但系我觉得饮酒其实系好事,识得品酒嘅人就识得享受人生。)
(饮酒唔同劈酒,下下都劈噉多,对身体唔好之余,饮醉发酒疯仲衰,失9礼人)
(食烟绝对唔要得!为自己,为他人,坚决拒绝!曾经遇到一个个非常非常非常之好嘅吸烟女孩子,我还是选择放弃)
唔好高过我,身材一般,样貌一般,敢于面对自己不化妆的脸;
平时少化妆甚至唔化妆,适度使用护肤品
(例如冬天,冇理由唔搽下润肤霜护手霜之类嘎);
(好多年前想追一个妹妹仔,但系佢去市场买餸都话要化妆,如果唔系就唔够胆出街,其实佢本来就好好样,样貌与身材绝对迷倒一片观众,不过噉冇自信,点得啊?)
唔使太温柔,但系唔好太粗鲁;
煮餸唔使好好食,款式亦唔使多,但系要识得煮;
(唔使整嘢食一概唔可以要,如果唔系点照顾下一代?)
讲嘢识得分场合,公众场合注意形象,要顾及其他人感受;
要孝顺父母长辈等老人家(双方),受委屈只可以对我发泄,唔可以对父母(双方)发脾气;
(唔孝顺嘅唔可以要,今日你点对父母,他日子女就点对你)
要爱惜小孩,但系唔可以溺爱,需责罚时要责罚,该打骂时要打骂,家庭观念重
(打时打骂时骂,打唔得要害部位,骂唔得污言秽语)
吃苦耐劳,唔好只顾安逸;
唔使太知悭识俭,但系唔可以挥霍,该使则使,唔该用就唔用;
平时最好唔好送礼物畀我,特定日子都唔好,不过如果我送礼就要收,我唔记得或者记得都冇送礼嘅特定日子唔好嬲;
(当今世道物欲横流,冇返啲物质享受点得呢,但系我哋要出污泥而不染,腐败歪风绝不可长)
大家兴趣相近,话题相仿;
可以好聪明,但系该蠢时候要蠢;
(好好沟通先可以对成世,如果双方冇咩讲,好难相处嘅)
(识得扮唔知,可以畀好多人一个好好个阶梯下台)
最好系“穷”人,唔好系千金大小姐
(正所谓竹门对竹门,木门对木门,我屋企唔系大户人家,同啲千金大小姐唔多门当户对,尤其系娇生惯养嗰啲)
其实仲有好多,话到口边却未能言,写住噉多先
注:最近遇到个符合以上好多条件嘅,可惜人哋…………唉………… |
|