|
|
平时大家系生活当中有冇遇过D乜嘢灵异事件啊？
我好多年前试过一次，绝对真人真事，亲身经历，系太平旧墟，
事情就咁：
一晚深夜，同朋友两个人，去佢八叔公留低的祖屋，
入去之前因为唔记得带锁匙，佢番咗屋企攞，而我就系门口等，
等到心急就睇下时间，睇下佢番咗去几耐，
因为心急隔一阵又至望下只表，跟住觉得好出奇，
刚刚望的时候秒针系指住05，依家过咗一分钟都未够，
点解又指住果个位置？ 望真D，发觉只表支秒针快速系度转圈，
带咗表咁耐未试过咁嘅情况，当佢巧合啦~
跟住个老友攞锁匙过来，开门入去喇，一开门，就听到一个BB仔大叫：妈妈！我同个老友对望一眼，非常诧异之余，有少少恐惧，
留心一听，原来系部收音机开咗！怀住不安的心情入去关咗部收音机，跟住个老友话部收音机系佢八叔公生前好钟意听的，
我听咗之后更加冷汗都标埋，心谂，唔系咁猛挂！我就话，
我只表刚刚神鬼咗，唔知系咪你八叔公唔欢迎我来啊，
佢话，都有可能哦，我就问佢生前食唔食烟咖？老友话食，
我就点着一支烟插咗系佢八叔公个神台前，拜咗几拜，
入番去房自己点着一口烟系度猛吸，跟住个老友话尿急去厕所，
刚一出去，就翻入来同我讲，我八叔公食晒口烟咯，
我出去一睇，刚刚点着果口烟竟然已经烧到海绵！！！
支烟我先点咗一两分钟，我自己果口猛吸都未食晒，
而点俾佢八叔公果支就已经烧到海绵咯，一条长长的烟灰，
仲未散开， 我即时吓到面都青埋！因为当时太夜，所以就算惊都冇走， 一直到天光····
当晚的恐惧心情，真系咁大个仔未试过，后来我大病咗一场，成个月先好番，依家我去亲人地嘅旧屋都仲心有余悸·········
另外讲下我妈口述的两件灵异事件：
我妈细个果时，同几个细路仔上山玩，临近天黑，准备返归，
忽闻身边大树有声响，类似有人斩树嘅声音，仲越响越大，
但附近的树明明没有异样！几个细路见唔对路就走夹唔投啦，
行到一半路，大家听到身后有二蚊仔喊声，个个都谂住，
可能系年纪最细果个行得慢，跟唔上，惊得滞系后边喊，
点知回头一望，后边系冇人的！！！
我妈以前系学校住，房间系用纸做的墙纸，有晚关灯瞓教，
未瞓入眼嘅时候，听到墙上发出撕烂墙纸的声音，连忙开灯，
发觉，墙上的墙纸原封不动，好疑惑咁熄番灯，跟住又响，
黑夜中听得一清二楚，就系墙上发出的撕烂纸张的声音，
再开灯，墙上的墙纸还是完好如初！！！连续响咗三次，之后就静咗·······
英德打工仔口述灵异事件：
话佢细佬同佢姐夫有次晚黑去亲戚度，经过一处山坟，行咗一阵，
发觉后边有一点火跟住，（讲到呢度，我就话，妖，鬼火啫）
佢就话，我都有读书，知道鬼火嘅原理，亦都见过鬼火，
你估我唔知啊！鬼火系蓝色嘅，而果晚我细佬见嘅，
系普通颜色嘅火，就好似火机嘅火咁，之后我姐夫见多识广，
攞咗一口烟出来，丢去后边，之后火就冇跟住来了·······
论坛版主幻影口述灵异事件：
多年前的一个月黑风高的晚上，因有要事落九江，骑摩行至西樵大桥，忽见前有交警查车，一摸衫袋，未带证件，正在想办法的时候，有个中年男人走过来问：靓仔，我想过西樵大桥啊，可唔可以搭我过去啊，幻影心想：你都傻的，唔识唔成，搭你过去托啊！
跟住拒绝咗个中年男人，冇几耐，唔知边度走出一个百爷婆，过来同幻影讲：后生仔，果个唔系好人来噶，你唔好搭佢过去啊！
幻影话，知啦，过咗一阵，回头一望，个百爷婆已经所去无踪！！！
我试过有一年打工，系宿舍住，就系明华饼屋条巷入，高街唔知几多号，反正就系好旧嘅屋。
有次佛山个同学过来搵我，当晚系度过夜，我系二楼，
佢系楼下冲凉洗衫，洗洗下突然冲上楼，面都青埋咁同我讲：有鬼啊！我问点解，佢话，刚刚洗完衫准备晾嘅时候，由于系弯腰动作，所以个PP好敏感，就觉得有只手指督佢萝柚，初时以为系我同佢玩，头都冇回就话：妖，玩乜鬼啫！点知仲继续督，一回头，
原来后边乜嘢都冇！我当时陪佢落楼查看，当然，乜嘢都冇发现，
但佢发誓，好肯定系有嘢督佢PP，而当时佢后边系乜嘢都冇，
仲话当晚返去就已经觉得奇怪，明明佢系第一个返去，点知二楼着咗灯，当时仲以为系我同事有人翻咗去，点知楼上根本冇人。
上一两年，有晚唔知系论坛聚会定系有人生日，唔记得咗，论坛有个北极晚风，我地叫佢大叔的，
饮完酒番到民强桥炒咗车，当时仲搭住另一个版主发神经，当时系因为佢部摩嘅大灯烧咗，民强桥上有堆沙，发现得迟，急刹所致，
之后我地几个送咗佢去五院，清洗伤口，联针，我系急诊通道坐，
无聊就玩下手机啦，突然！
收到一个蓝牙请求，个蓝牙名好怪的，唔系我地身边几个人，我就觉得好出奇，
乜半夜三更医院仲有人玩手机，就拒绝咗接受，之后又来，再拒绝，再来！
跟住几个人一齐望一下四周，附近根本冇人玩手机，我本身系做手机的，一般手机蓝牙的有效范围系5米左右，
但果晚我留意过四周隔离，根本系冇人玩手机，但拒绝咗几次都唔得，唯有接受，
收咗之后原来系一幅图片，影得唔清，貌似一个惨死嘅细路仔，
因为当时3、4点，又有女仔在场，我冇出声，就话唔知边个咁无聊，发张图片过来，到第日，我好想放上电脑睇下幅图， 后来咨询过年长人士，佢话千祈唔好放上电脑，我听从佢意见就删咗······
之后大叔讲番炒车嘅事，佢话炒车前一晚系屋企，听到有二蚊仔喊，
而佢屋企附近系冇二蚊仔的！！！
云浮女仔口述：
讲起灵异事件，云浮女仔阿英深信不疑，因为她家人就有过灵异经历，
阿英有个嫲嫲，去世一年，在四年前，家人为这位老人家举行过一次丧事，三天后，老人奇迹般苏醒，也就是科学上解释的假死现象，
可奇就奇在，老人在醒来后，竟然说了一番颇为灵异的话，
她说，这三天她在阴间走了一趟，后来因为是搞错了阳寿，还有三年，就放了她回去，三年后，老人真的去世了·······
顺便系度收集一下大家平时遇到的灵异事件，可以跟帖写出来~
40楼有~ 55楼~64楼~67楼~91楼~133楼～142楼～169楼~172楼
203楼 |
|
发表于 2010-3-21 06:15:49
