骑士
乜 许 爱 情 祗.Shi 一 场 游 戏
- 积分
- 9560
|
遇见距个时，我中意一个男仔中意左7年。我中意左7年个男仔，他，好阳光，好多女仔中意他，但系当时系学校，我地好似电影入边情节咁，有D浪漫有D暧昧，仲记得他追到女生宿舍楼下叫我听他解释；记得我地第一次系马路边饮一蚊一杯既珍珠奶茶；记得系学校篮球场..............记得一日可以倾电话倾十几个钟；仲有好多好多.............................
直至到后来，无开始过乜嘢但就结束了。但我一直无再拍拖。我身边所有人都知道我系几咁中意他。
到左距，认识距系好偶然既情况下，我甚至一开始对距都系无感觉。觉得同距系两个世界既人，距书都未读完就出黎玩，经常去蒲又食烟；距之前个女朋友都系一样同距去蒲既；而我，算唔上好乖，但唔系出去蒲，出去玩既人。只不过，当时真系比距感动左。
距话我系距追得最辛苦同最用心啊个。刚追我个时，距成日买宵夜我食，有时甚至黎望我一眼就走。只要我一通电话，距即刻可以飞车过黎，有一次仲要系距食紧饭，有一次系去紧厕所 ；仲记得刚开始距约我去倒数，15号就约定我31号了，距话惊俾人约走左涡...................
后尾系不知不觉既相处中，我慢慢走出啊个7年阴影。距有一日同我讲，话距第一次见到我个时就有一种好想得到我既感觉；距话将来我会系距老婆，而距亦都会系我老公；距话我系距既“我的最爱”，仲话永永远远都只会爱我一个。
大家唔发脾气时，距好就我，好锡我，就到其他男既见到，都话换转系距地既话一早走人了。距话距最憎行街，我就偏要叫距行街，距惊我发脾气，所以距几咁唔情愿都会陪我行；而我既目的就系咁。因为距越唔中意既野我就越要距做，只有咁样，我先会觉得距纵我。距话以前既距，俾D钱过距女朋友叫距自己行街算了，对我都算系好迁就涡，次次我听到都系度话距“懒叻”；有时我无开车上班，距就买埋早餐，开40分钟车黎送我返公司，（其实我公司离我屋企15分钟就到了）然后搭完我再开车返屋企训过教；有时我唔接距电话，距就过到黎我屋企搵我；我屋企人住院，距就次次都搭我出佛山，有一次距同人出左广州黎唔切搭我返屋企，距竟然同我讲：“对唔住啊，要你辛苦。”距怕我搭公交车迫人。呢件事令我印象好深刻，好感动。比距系雨中淋雨等我返，比距随传随到送嘢我，呢D呢D都感动。我系真正咁感觉到距系真系好呵护我。好多好多既回忆..........................
加下，我又用返半年时间黎习惯返自己一个。到加下为止，我唔知我仲系迷距既“我的最爱”，只不过，我个心入面仲有少少憎距，憎距最后坚持唔到，憎距系个我最需要距个时距无...............或者每一个恋爱入边既人都会讲好动听既情话。到今时今日，我知道双方都有错。
好想忘记过去，2009年系我最伤痛既1年。同时间无左最爱我既两个男人。
我知道距一直以为我仲好中意7年啊个男仔。我无同距讲，其实系个同距相处既19个月入边，距已经慢慢咁替代左我回忆入边歌个好阳光既男仔。 |
|
发表于 2010-4-15 20:24:50
