侠客
distant and indistinct……
- 积分
- 10150
|
网络哩家野真系唔话得，自从教会老妈子上网之后。
老妈子系屋企嘅地位由后勤上左去前线。
以前老豆同老妈子从来都唔掂屋企部电脑，
成日都话：成日挂住上网！信唔信我剪鬼条网线吖啦！！
老豆就经常系隔离附和老妈子话：剪左距岩晒咯！钱都省一笔！
有一次，老妈子摞住一叠社保嘅资料过黎比我。
距话：帮我上网查下，哩度有个网址，刚才服务厅个靓女话上网都可以查倒嘅。
甘我米就上网帮老妈子查咯，我打开网址之后，教距点输入身份证号登陆，
跟住就可以查阅相关内容，老妈子见到之后，嘻嘻甘笑。早知我就唔使跑过去问甘麻烦啦。
我就话：切……系你傻姐。好多野都可以系网上面查倒吖啦。之后我就翻左入房。
就系甘样，老妈子只要距想要查一D野，距就即刻跑过去问我，
哩D野可以唔上网查架，假如下次我再睇翻又点搞吖？
跟住我又教卖距点收藏，之后系收藏夹度稳就得啦，我又建议距学五笔。下次就唔使我帮你打字。
可能因为甘样，老妈子一得闲，就上网睇新闻，查哩样查个样。仲学我地上网煲下电视剧添！！
距好似发现左自己嘅一片小天地甘，又经常系我地面前炫耀：今日上网先查过，系甘架。你地猪兜啦！
以前距好听老豆话，老豆话一距唔敢话二，家镇只要距上网查过，老豆讲得唔岩嘅，距就窒到老豆无声出。
所以宜家老豆显得好被动，而我地都一样。距就好似个领导甘指东指西。
老妈子除左上网之外，仲会打下机。同老豆玩嘅一样，windows入面嘅纸牌游戏，只系老豆仲唔识上网…… |
|
发表于 2010-9-28 14:51:46
