（转翻黎嘅）作为一个烂赌仔老婆嘅悲惨命运

购物袋

第一段
距，就系在我经历种种痛苦之后，先肯同我罗结婚证，我依家葛老公！
可能有D人会觉得，我地系经历佐好多好多，先会好不容易系埋一起葛，下边听我讲完之后，你地再做评价了！
2007年，未过年前，农历12月25，系我爸离开我地葛一日，果种痛苦，我永远都唔会忘记，过完个悲惨葛2007年，我为佐离开痛苦，只身来到广东佛山打工，我未出屋企之前，我屋企人劝我，叫我系企休养，无出来了，我一个人，距地唔放心！但系，有边个可以明白我呢？我离开乡下，其实系想忘记果种痛苦架！所以无几耐，我就出佐佛山，出来做野一年，乜收获都无，临近过年，我返屋企过年，呢一次，我屋企所有葛人，点都唔俾我出来，我姨话，叫我系企开间服装店好过出来打工，距可以俾钱我做生意，但系，对于我系出边葛一年，距地知道乜野呢？系企，只能会让我想起我爸，会伤心！而系出边，我可以唔见到熟悉葛，就唔会想起我爸！在所有人葛反对下，过完年，我又是来到佛山呢个地方！之前份工，我就辞佐距了，呢次来，我系谂住稳过第份，而第份工，就俾我遇到我依家葛老公！2008年3月，我应聘到我老公做野葛地方，识佐距之后，无几耐，我地拍拖了！2008年5月，系距哥结婚葛日子，在这之前，我地未确定关系，而距，我都唔清楚距葛一切！8月，我地两个正式拍拖，初初，果种感觉，好甜蜜！当时我觉得，我已经找到我所谓的幸福了，所以我好珍惜呢份感情！我系我哥度住，同我哥我嫂一起租屋住葛，租佐一栋四屋葛楼房，我住四楼！过程，我唔想多讲了，好似所有葛拍拖男女一样，我地乜都有佐！当时我唔知我老公赌波，就系果几个月，我老公输佐钱，想走路，丢下我一个人！当日，我稳唔到距，好伤心，之后我问距D朋友，距D朋友就话，输佐钱，走佐！果晚我喊佐好耐好耐，觉得，呢个世界，所有葛人都有抛弃佐我，果晚，我好想死佐算了！我不停甘打电话俾距，但距一直都系关机状态，无法打得通！我发信息俾距，话，我可能有佐了，叫距快D返来，如果唔系，呢一世，距都会后悔！可能个天可怜我，距开佐机，稳返我！距稳返我，代表距仲有人性葛！距虽然返佐来，但系，都系仲欠人家好多钱，成十几万，我唔知，距都唔话俾我听！就在距走葛之前，距都唔知我有佐，当时，我可能有佐两个几月，饭又食唔到，乜都做唔到！距返来，就同我去医院检查，医生话，我有佐两个几月了，当时，我好开心，唔知距点谂，我唔知距个心点谂，可能距都想要个BB，但，欠人家甘多钱，生出来点养，可能距烦紧！距返来果几日，无返过距屋企，就系我度住，距屋企人稳距，上面讲葛，距仲有一个大佬！距大佬知道佐我葛电话，我同距大佬话，距系我度，输佐钱，唔敢返去，过佐一晚，距大佬就来接距返距自己度！（距哥，自己系出边买佐楼，无同老豆老母住了）！唔知距哥同距讲佐乜，距都话俾距哥知，我有佐BB，果阵，我未够20岁，本地葛要20岁先可以登记结婚（我老公呢度人），距将所有同距哥讲，第日，我老公过来同我讲，就话，距哥打电话去问，话未够年龄就有BB，生出来俾罚钱，（要知道，我第年6月先生，而2009年2月我就够年龄登记了）！
我唔信距讲葛，果晚，距就车住我去距哥度，距哥就同我话，叫我无要住BB，话生出来话，我地又无钱，仲欠人家周身债，凭咩野生个BB出来就俾距受苦？而且生个BB出来话，距老豆老母成十八年无钱分，我地葛事，点解要累老人家？我唔知讲乜，我只听距哥讲，系度好无助甘喊！我就见到距嫂系入边房玩电脑，当时距嫂胎住个BB有八个月到了！我就谂，点解，距嫂甘幸福，而我就要落到呢个地步，真系同人不同命！我可以怪边个？我只有认命，竟然距哥都甘讲了，我仲有咩选择？当时，我就同距哥话，我可以生个BB返我屋企，唔入距屋企户口，入我乡下户口，我唔会怪距地，但系，距哥都系话我地最好无生出来，仲话最好早D去落佐距，免得越大越伤身，仲话，去大D医院落，天吖！我都话我生出来入我屋企户口了，点解仲要甘叫我落？当时，我觉得，我老公真系无用，连我同距葛骨肉都保唔住，但系，我又谂到，距欠人家甘多钱，点到距话事，距只有听距哥讲了，当时距从距哥度罗佐成两万蚊还债，距究竟系点商量我就唔知了

购物袋

第一段
果晚，我从距哥度返来，我考虑佐好耐，我真系想生距落来啊，我老公就唔同意，我都唔知距谂乜，果晚，我唔训，我发信息俾距，我话，无落BB了，我求距啊！但距话，我地无钱，迟D先要了！我好伤心，点解要甘对我？距哥又话我地，无甘早要住，我仲甘细个，大把机会要！距地都系好迟先要BB，（距哥80年葛）！话落佐个BB呢，我够年龄呢就登记结婚，迁户口落来分钱，分个两三年钱呢再结婚要BB！我好无助，我老公又唔帮我，我可以点？果晚，我真系想死佐距算了！成晚都喊住，半夜，我喊累了，我发信息俾我老公，我话，我应承你了，听日我同你去落佐距！果晚，我成晚都无训，因为，我好想要个BB，我感觉到个肚好唔舒服，所以一晚就喊到天光！早上，我老公就过来车我去南海医院，去做检查，医生话，点解唔要，我就话，未够年龄结婚，唔想要住，当时，我只能甘讲大话！我个医生就叫我去照B彩，睇个BB几大了，过左几个钟，照完B超出来，医生话，我个BB三个几月了，已经成形了，不能做人流了，只能住院做引产，我摸住个肚，心入边谂，系我对唔住距，叫距无怪我，都系我唔好，唔可以带距来呢个世界！对唔住！医生叫我谂清楚了，我都出来问我个老公，我话，我个BB已经大个了，医生话，唔可以做人流了，只能住院做引产！当时，我仲俾紧机会距，希望距改变主意！但系距粒声唔出！等于默认了，我唯有认命！我狠落个心，同医生讲，我决定佐了，帮我做手术了！果日，医生就安排我住院，系南海医院住院楼，唔知系九楼定系十楼了！我入到医生同我安排葛间病房，所有葛大肚婆都系去安胎，或生仔，而我，就系去落仔！果种感受，边个知道？依家系度讲，我仲会好伤心，每次同我D朋友讲起，我都会伤心到喊！讲一次喊一次！我都入到病房了，我仲系求我个老公，我话个个都系生仔，我落仔，我唔想落，而距个心就唔知系咩做葛，“迟D再生，我地大把机会”！我可以做D咩野啊？我记得，我系药流引产，吃几日药，好似所有葛孕妇一样，入产房生距出来！果晚，食完所有葛药之后，我肚痛，入佐产房，医生话，就快生出来了，叫我忍忍！果晚8点几钟，我生佐我个BB出来了，睇住我生葛医生话，好可怜，好可惜，甘细个BB，就甘样无了！睇下，连距地都甘讲！当时，我个心系度流血！我真系好想在果一刻同个BB一起去！生出来之后，医生话我仲要做清宫手术，叫我果晚休息好，听日做完清宫手术就可以出院了！要知道，落过仔葛人，做过清宫手术葛人，都知道，咩叫痛，果阵痛，比咩都辛苦！出佐院之后，我返到我葛住处，我失踪佐几日，我哥都稳过我，系医院我嫂俾过电话我，我同距讲佐一切，我嫂唔知点安慰我了！返到之后，我老公大嫂知道我我出院，果晚就煲佐汤俾我，叫我老公接完我出院就过去罗汤俾我饮！我落仔呢件事，距老豆老母唔知！所以煲汤就由距嫂煲了！我返到来，真系好虚好虚，成个人都变晒，变得好瘦好瘦！果阵，就差两个几月就过年了，我无做野，系我哥度休养！过佐个几月，2008年12月底，距大嫂生了，生佐个女，好开心，我都替距全家开心！因为，我好钟意BB ，BB唔似我地大人甘，甘有心机！差唔多过年，距哥个女摆满月酒，距叫我去，我都去佐！而果一次，我就俾距屋企人认同佐！果个年，我无返去同我妈过，我唔敢返，因为，我怕返去俾闹！所以，过年我无返！就果个年，我都有去距屋企过，我唔知，我乜都知！直到我老公同我讲，话，距哥个女入佐院，可能好大问题！当时，我个心好似系个天跌落来甘样，点解会甘？无几耐，个BB女入佐院，出世未够一个月啊！就果个年，过得好惨，个BB女，因为病得好严重，所以去佐广州医院住院！听距屋企人讲，BB女因为系咩检查唔出问题先会导致生落来受苦！就系话，可能系医院做产检，检唔出有异常先会生距出来！点解检查唔出呢？点解会害到个BB一出世就要受呢D甘葛苦！点解依家葛妇检可以甘随便？呢一样，系咪医院有责任？过完年唔够一个月，个BB女捱唔到甘葛折磨，离开佐呢个世界！

小小潘

   对赌博某乜兴趣咯~

购物袋

第三段
2009年，过完年，新一年葛开始，希望所有葛痛苦消失了，边个都唔想再提起！
又讲到我地两个葛事了，呢一年，噩梦再次发生！七月十四岩过，我老公因为俾人家追债，又是去赌，又输翻好多钱！之前差唔多还到七七八八了，仲欠三万零到，点知，呢次，距都系死性不改，收唔到手，越挫越大个窿，又是输返十几万，天啊，我到底作佐咩孽？甘样来对我？呢一次，距又系甘走佐，粒声唔出走佐！系距走佐葛呢一段时间，我日日以泪洗面，而我，呢一次，就系距屋企住了！因为，为佐我方便上班，大多数系距屋企住！系距走葛时候，我发现我又不对路了，可能又是有佐！我去医院检查，医生话，我有佐了，恭喜我！我知道，再下来，我唔知又点面对了，因为，我老公走佐了！得返我一个人！我将我有佐BB呢件事，话俾距屋企人知，当时，距妈话，有佐就生落来了！因为，距地未知距个仔走佐，赌输钱走佐！剩低我一个人！当我讲佐，话距个仔输佐钱走佐之后，距地一家人反对我生落来，塞钱俾我，叫我去落佐距！我系呢度想问下，问距屋企人，问个天：点解要甘对我？我上世欠佐你地屋企咩野？点解一次又一次甘伤害我？呢一次，我好肯定甘谂，点辛苦，我都要将距生落来！我系距屋企，执佐我所有葛野，离开！我好累，好累！果晚，距哥距嫂就上楼帮我执野，执完之后，距哥就话，送我返我哥度！好狼狈，而且都好可悲，果晚个样，我就好似俾人家丢出街葛狗一样！好在我哥系度，好在我自己有住处！所有葛人反对我生落个BB，话我无甘傻了，生出来会累我葛，点知以后距几时返？如果距唔返了，我自己一个人带个BB好惨葛！而我，就问过我妈，我喊住同我妈话，点样都要帮我保住个BB，我妈知我甘惨，甘无助，我妈就应承佐我一切！可怜葛我妈，失去佐我爸，个女仲要俾人家害成甘样！天啊，我好想问你一句，我到底做错佐D乜？
   我老公甘样就走佐一个月，而果一个月，我日日呕，饭都食唔到，我老公都又无俾过电话我，我日日喊！日日谂！曾几次，我自己一个人去医院，想落佐个BB，去佐又返来！一次又一次！但系，我真系好想生啊，我唔舍得落啊！我日日打电话，发信息到我个老公手机去，半夜醒佐又打，每次都令我好失望！当我好绝望葛时候，我就会谂到，我仲有个BB，我唔系得返我一个人！而我就会谂，我可以俾多一次机会我老公，希望距返来同我面对呢一切，我唔想一个人！真系唔想一个人！一个月就甘过佐了，而我个BB一日一日在变！果一个月，距妈差唔多日日俾电话我，问我，距个仔有无俾电话我，都有叫我去落过，但每次我都唔制，叫多佐，距地都无叫了！每次叫，距妈都会同我喊，我都唔忍心见到距喊，甘老个人了，仲要甘操心！（我老公个妈成五十几岁人了），而距妈就同我话，话距老豆晚晚都捉住个药油罐训，我老公走佐呢段时间，距老豆睇上去都老佐好多，可怜葛老人家！9月初，差唔多八月十五，我老公俾电话，当时，我接到距电话，我即刻喊佐，站在大马路上，好委屈甘喊出来！将我呢一个月葛委屈喊出来！距叫我无喊，我问距系边，距同我讲，系佛山出边，叫我无同距屋企人讲，如果唔系，就会走得越远！我应承佐距，出佐去见距！一个月无见，距变佐，亦都瘦佐！其实距对我都算唔错了，系我认为，就系因为距衰成甘，输佐甘多钱，距先逼不得已走！所以我无怪距！你地认为，我甘样做，系咪好傻？一次又一次甘原谅距？系咪我真系错佐？我一次又一次甘同自己讲，原谅距了，距自己都唔想甘样！见完距之后，距见我唔舒服，同我去睇医生，睇得出，距都想要个BB！甘样落去无几日，我见返距，自己都有D勇气活落去了，觉得，呢一次，绝对唔可以再失去BB了！我返来之后，叫距唔可以再甘走佐，距都应承我，而日日都俾电话我！距唔敢返屋企，都唔俾屋企人知距系边，我亦都无讲出来！就甘样，差唔多过佐一个礼拜，我地身上葛钱所剩无几了，而我又一次唔舒服入佐医院，呢一次，我真系无路可行，系医院，当时我打紧点滴，好耐无食过饭，突然间肚饿了，我叫距买野俾我食，我偷偷地俾电话距哥，同距哥讲，我系边间医院，叫距快D过来叫我老公返去，如果唔系，就见唔到我老公了！（因为，当时我地身上无乜钱了，我老公想走了，想离开佛山，我唔想距再次离开我，我先甘做，所以，无怪我了，为佐我少少葛自私）距哥无几耐，就过佐来！当住好多人葛面，踢佐我老公一脚，而我老公，当时就好狠甘瞪我，你地唔知，当时我几无辜！唯有系度喊！医院就好多人望住我喊，而唔知情葛人，就好好奇！果晚，距哥就拖住距出出边讲野，我就系医院继续打点滴！我唔知距对我老公讲佐乜，我打完针之后，已经夜晚十点几了，我同距嫂打的返，我老公哥就车住距返距企，我返我自己住处，果晚，唔知距又做佐咩野决定！距好夜俾电话我，叫我早点训，乜都唔讲！

购物袋

第四段
第日一早，距就话过我度，叫我落来开门，距上到我四楼，坐系度同我讲，话呢次去医院医生点讲？系咪我个BB有问题？点解我会肚痛，会成日呕？天吖！我又做错佐D乜？距屋企人究竟又对距讲佐我D乜？点解话我BB唔正常，点解甘话我个BB唔健康？你唔想要就算了，点解要甘讲我？我真系好委屈，我可以点算？我叫距走，无出现系我面前，我唔想见距！我咩都唔做，我俾电话我妈，我妈话，如果再落佐，以后无得生点算？我话，唔知！我妈就话，呢个男人无用，无再跟距了，甘样葛男人算得咩野？甘葛说话都讲得出，一点主意都无！点去养头家？再跟距话，距死性不改，一而再，再而三甘样，我可以受得到几多次折磨？我唔知，我乜都唔知！我好恨，好恨，好恨所有！恨死所有！但我可以点？
我一切希望消失晒，一线希望都无晒！我唔想再谂了，我俾电话距，呢一次，我无喊，我已经喊晒我所有葛眼泪了！我认命了，我全部认了，我同距讲，好，去落佐BB，听日一早去！
第日一早，距就过来同我去医院，呢一次去葛系佛山妇幼，我唔想再去南海医院了，因为，上一次，我未忘记到！系医院排紧队时，我真系想，呢个世界点解可以甘残忍？而D人，点解可以甘害人？如果我真系过唔到呢一关，如果我就甘死佐，我唔会就甘放过害我葛人！就算做孤魂野鬼我都唔俾好日子距过！呢一次，医生问我，呢个医生好好人，因为前几次我呕得犀利，我都系稳距睇，距就好心问我，之前好地地话要，点解又话唔要？我唔知讲乜？（唔通我话，我男朋友话我个BB唔健康啊，赌输佐钱，想走路啊甘咩？）我只有话，我呕得太犀利，唔想要个BB住，而个医生就话，过佐三个几月就无事了，叫我忍忍了！我知，就算我返出来同我老公讲，我老公都唔会要个BB了！我只有同医生话，唔要了，帮我安排做手术了！医生就叹佐一声气，话，我地D年轻人唔知谂紧乜，初初话想要，依家又话唔要，唔要又唔早点决定！拖到依家，好伤身体！甘样，距就开佐张单俾我去交钱检查！都系去照B超，得到B超出来先可以做手术！而就系B超出来之后，我罗去俾医生睇，医生就话，个BB差唔多三个月了，距再次问我，系咪真系决定佐？我话：系！如果想要话，就可以依家走，如果唔要再过两日就唔可以做手术了！医生征得我同意后，安排我下午做手术！手术费好便啊，知唔知啊，我唔可以做麻醉吖，要知道一支麻醉针都成几百了，而我个手术就因为我个BB太大了，唔可以做麻醉，我当时同医生话，做麻醉了，我唔想在清醒的时候俾个BB离开我葛身体，我已经好惨了！唔想再睇住距离开我了！医生就话，就算俾十万蚊距，距都唔可以做麻醉手术俾我！差唔到到我临近手术前了，入佐手术室，医生再次问我，系咪真系决定佐？我当时都唔知再点答了，连医生都唔舍得我落，而希望我落葛人，就想尽快要我落佐距？我想问下，到底为乜？好痛好痛，呢一次，我算系系鬼门关行佐一圈返来了，点解我唔系果一刻死佐？死佐咪可以解脱喽，点解仲要醒返？如果我死佐，甘距地一家就成佐罪人，永远都活系我葛诅咒入边！我系咪好毒？要知道，几多个人系因为做人流钳夹手术死佐，而距地，就当我唔系一回事甘，叫我落一次又一次！试问，良心何在？
我唔甘心我付出葛，我都唔甘心距地甘对我！我要罗返！
落完呢个之后，我返到去，而都系去距屋企，距老豆老母都算系有D良心，都煲佐汤俾我调理身体！呢D，我都记系心入边，可能衰个系我老公，唔系距屋企人！我就系一个甘葛人，得到人家葛好处，总会想点回报返人家！而边个害佐我，我好快就会忘记！我只知道一句，得人因果千年记！虽然我爸我妈无点教过我，我自小就系阿婆屋企长大，我婆无读过书，但我婆好善良，呢一样，我都学到少少！就甘样，系距屋企休养佐差唔多大半个月，我系一个闲唔住葛人，我想稳野做了！我只想距好好地做人，改过自新了，希望距经历佐甘多，会珍惜我了，但系，有边个谂到，成身债葛人，会安安静静甘过日子，唔通距唔想快快趣趣还晒D债咩？个债佬每个月都逼债，而我老公，每个月做葛钱，都罗去赌！“距莫非都系想还返D钱者，我甘样谂距，甘样帮距谂！”我都有话过距，叫距无再赌了，但距唔听我讲，我一讲起身，就会同距有架吵，而距，都唔俾我讲距，我真系好心寒！距话，唔赌话，边有钱还俾人家！天吖，距点解可以甘谂？

购物袋

第5段
而我做野葛钱，要知道，我每个月千零蚊工资喳，连距都要罗我葛去赌，我真系欲哭无泪啊！我俾钱距，我同距讲过，话距工资就罗去俾债佬，而我葛钱就罗出来我地两个一起使，有多使多，有少使少！点知距，甘唔生性，赌埋自己葛钱之后，连我葛生活费距都要罗去赌输埋！果一刻，我真系失望至及，觉得距，真系无得救了！我系时候离开距了！但系，我同距已经结佐婚了（登记佐），我真系唔想距甘衰落去啊，我地系埋一起两年了，有好深葛感情了，点叫我放得低！我只想改变距喳！点知，我葛苦心，无人能明白！我可以点算？当初我要求登记，系唔想距屋企人赶我走！我觉得，之前就系因为我同距无登记，距先会甘走路！
所以我傻到要距同我去登记！你地知唔知啊，就在距最后一次走葛果个月，我未落仔，距哥距地啊，去到距做野葛地方，罗走距所有葛野！当时我就系果度，系我认为，就系想赶我走，让我知难而退，就会去落个BB！当时，我觉得自己好可怜，点解遇到呢D甘葛人？我摸住肚，自我安慰！而距老豆，都经常去距做野葛地方，我唔想见距老豆，因为，距唔想我生个BB，我好怕距扑过来打我个肚，当时我好惊好惊！我一见到距老豆系果度话，我就会行开好远好远！其实，个老人家都好可怜下，有甘葛仔！我都唔忍心见到距老豆唔开心！而距妈，更加唔使讲了！因为距屋企人葛态度，让我决定佐，我一定要去罗结婚证！因为，距甘对我，咩名份都俾唔到我，我唔甘心！2009年年尾，我地登记佐！
依家，我都经常同自己话，过去葛野就算了，唔想再谂了！但系，我老公都系甘，改唔到，依家仲欠甘多债，距屋企人都帮还佐唔少了，距就同距屋企人话，依家仲欠少少，好快还得完了，事实上，D债都无少过！因为，距又是输佐了！距屋企人就以为，我地还完D债了，过多年几就可以凑钱摆酒了，我谂紧，到时真系俾距屋企人发现距仲欠甘多钱，到时我点算？
系咪话我唔识管老公？俾个老公成日去赌？日子好难过！
我D朋友，屋企人，个个都劝我，叫我走了！无再跟个男人了，距无得变葛了！我唔想睇住距衰落去啊！边个可以教下我点做？
我地系埋一起甘耐，虽然我憎距保唔住我个BB，但系，我竟然选佐距做我老公，我就要同距坚持落去！我仲甘后生，我何尝唔可以稳过一个比距好葛人过日子？我唔系呢甘葛人，有难就会落飞，我做唔到！虽然距好衰，但系，如果距唔输甘多钱话，我地应该系好幸福葛一家！
好多时候，我叫距无再赌了，同距讲道理，距都话我烦！距烦，我仲更加烦！登记佐甘耐，我算系距葛合法妻子了，但系，距一个结婚介子都俾唔到我！我唔失望咩？
曾几次， 我就想甘走佐算了！我再谂，如果，我走佐，距点算？
再甘样落去，可能我真系同距无得生活了，如果真系分佐，我都唔知点捱过呢一关！
讲到依家为止，你地俾出你地睇完之后葛评论了！我会继续系呢度发贴落去葛！
希望下一次发贴，我可以讲出幸福葛说话了！

丫鬟

出来行，还是带眼识人好D~ ~

北良村庄大人

祝福

弯月

唉,无语,如果系我,我会走

女人花

唔知点讲，你最大的优点系专一，最大的缺点也是专一，天下无芳草，如果他真的会改过，何必一而再再而三甘伤害你呢？而且落仔好折堕的，长痛不如短痛，趁自已还有生育能力稳一个更好的，你再落仔恐怕会无命