|
|
1.我唔会check你嘅来电显示，但係你最好唔好俾我听到你同不明來历嘅女人(男人)讲电话。
2.我有嘢做得唔岩你可以话我，不过唔准好恶咁话我，要慢慢讲道理，有耐心D。
3.吾可以逼我做我吾中意做既野。
4.我中意收到你嘅SMS，几肉麻我都顶得顺架。
5.你要俾我知你去咗边，我唔係要check你行踪。
6.每日起碼要穩我一次，因为我会好挂住你。
7.我哋未必可以一生一世，但希望你同我一齐嘅時候，每一刻都对我认真。
8.你心里面諗D咩，一定要同我讲，因为我好蠢，你唔直接同我讲我唔会知道。
9.如果你要出去玩嘅最好就带埋我去，如果实在唔得嘅话就早D翻屋企俾个电话我，因为我会係屋企担心你，訓唔着。
10.喺我发脾气提出分手時，你唔准当真。
11.唔准對我讲大話，我最憎人呃我，虽然你话呃我喺唔想我唔开心，但喺俾我知道你呃我，咁样我会更加唔开心。
12.我发信息俾你，你一定要复我。
13.我唔係专登骚扰你，我只係想等你知道我几时掛住你。
14.你要好锡好锡我，因为你唔锡我就无人锡我架啦，当然我都会好锡你架。
15.我唔喺贪心嘅人，唔一定要钻石同珍珠，就算你送易拉环盖俾我都會一样咁开心，最重要喺睇你有无心。
16.同你D朋友出去食飯，你唔使成日理住我，我唔会埋怨你嘅，不过你要記得我係你身边就得。
17.我知道你无可能每秒鐘都掛住我，但係如果你全日都无諗起我，我会好惊架。
18.我好樂意同你行你鍾意嘅舖頭，你唔需要怕我悶，我会自得其乐。
19.如果你唔開心，你要同我讲，唔好扮无事，因为如果俾我發现我会比你更唔開心。
20.我唔介意你望靚女(靚仔)，介意嘅係有筍嘢睇你都唔同我讲。
21.你最好有一首只係属于我嘅电话铃声。
22.如果你无開口讲，我都为你去改变，代表我真心中意你，請你珍惜我。
23.唔好乱咁作出承诺，因为我真係会當真咁記一世架。
24.因為我有一D唔係太開心嘅過去，對男人好无信心。所以請你用行動話俾我知你對我係認真嘅，你唔係玩玩下。
25.我好野蠻任性，我知我都会為你而改，不过需要时间。
26.你煮野俾我食，就算只係一碗餐蛋面，我都會開心過食鵝肝。
27.虽然我對你嘅戀愛史好有興趣，不過都過咗去囖，祗要你依家最愛嘅人係我就足够啦。
28.好遺憾我冇機會細細個就識得你，所以宜家請你俾多D時間我，俾機會我去了解你。
29.如果我成日管住你你覺得烦嘅话要同我讲，因為我憧憬我以後都可以管住老公(老婆)，而老公(老婆)又樂意俾我管。
30.你要對自己有信心，我唔會生翼，所以我唔识飛走。 |
|
发表于 2011-1-4 20:59:57
