|
|
由细到大，都生活喺有关爱、温暖嘅家庭中，虽然，细细个就由爷爷嫲嫲凑大我，但我依然系觉得好幸福，荣幸嘅系佢地都当我系心肝艼。我自己都觉得自己系一朵温室里面成长嘅花朵。可以讲得上衣来伸手，饭来张口。呵呵...要咩爷爷嫲嫲都可以俾到我，唯一俾唔到我嘅系父母嘅爱。但我知道，爷爷嫲嫲俾到我嘅绝对唔会俾爸爸妈咪少。喺呢度，我好感谢爷爷嫲嫲对我十几年嘅不离不弃同关爱。孙女无尽感激。嫲，你依家走了，你以后都唔会再锡我了，好想再比你宠下。
喺我记忆里面，爸爸妈咪嘅印象系模糊嘅。我唔好似其他小朋友咁可以晚晚喺爸爸妈妈嘅怀抱入睡，唔可以好似其他同学仔咁开家长会可以有爸爸妈妈陪同。学校组织户外活动或者旅游，唔可以好似同学仔咁爸爸妈妈帮佢地买好晒要用嘅同要食嘅。果时，我系几咁羡慕。不过，呢D爷爷嫲嫲都全部弥补俾我！仲要俾佢地得到嘅要多！所以，有时我好憎恨我父母，俾唔到我想要嘅爱。随着年龄嘅增长，懂事了，而性格就变得叛逆。有好多野都变晒，或者，可能因为过分嘅溺爱。连我自己都唔清楚咩原因。
读初中嘅时候，成绩一直都系优异嘅，得到嘅荣耀奖状。镇优秀学生、优秀干部。作文比赛、什么什么竞赛都有奖，虽然冇一等奖或者更高嘅奖项，但我觉得，我已经努力了就无悔。仲好清楚咁记得读初3果时做语文课代表。呵呵...毕业班喇，都系玩得咁癫！我嘅死档，区淑同婉玲吖。你地仲记唔记得我？我地好多时都因为少少事而闹矛盾，但后来都会因为某D事而好翻，证明。我地嘅友谊系真实存在的。仲有小海吖。哈哈，叫敏姐叫得我个心不知几冧。短暂嘅初3生活，带俾我嘅系永久嘅回忆。多谢有你地嘅出现！可惜吖，依家已经物是人非了。你地有你地嘅生活。而且，系几咁精彩。
直到17岁冇读书，开始接触社会。觉得，呢个社会好现实。我慢慢咁觉得，原来，想喺呢个现实嘅社会生存就必须要学识自己去独立，去争取，甚至系不择手段！同时亦都发觉自己当初嘅啉法系几咁天真幼稚。本来以为用心去做就会得到一切。其实，并唔系咁嘅！人地会用尽一切办法去对付你！...
工作换左几份，或者已经数唔清楚自己做过几份工。依稀咁记得，喺西樵大同嘅一间唔知咩厂做生产工，系一间新厂，宿舍冇热水。对于我一个刚出黎做野嘅傻瓜，居然连热水都唔识点去煲黎冲凉，仲要个舍友教，借条电热棒俾我。果时晚晚都要加班加点去赶货。有时系通宵，通宵完就休息一日。后来因为工作主动出色，升左做QC，即系质检，不过始终都逃避唔到加班呢只恶魔。只不过系人工高左D而已。记得当时识左个好好倾嘅朋友，我地无话不谈。但因为后来大家离开左间厂，之后就一直冇联系。有D可惜
出黎做野快5年了，李嘉敏，你得到过咩？点解你系要事事都要咁执着？有咁多份咁有前途咁有发展空间嘅工作点解你唔好好去珍惜？点解你自己报读卫校之后又要半途而废，唔读？读完你咪可以有份安稳嘅工作咯，一年半载换你一生嘅悔意值得咩？
其实，有时眞系好憎恨自己。曾经我啉过结束自己嘅生命，当每当我啉起爷爷嫲嫲。我就唔舍得，我怕佢地会伤心，会心痛。有时自己做D傻事，都会啉下，我咁做，我身边嘅所有人会唔会因为我嘅离去而伤心、悲痛欲绝。又其实，我咁做，系好傻好傻！因为，我知道，即使佢地冇讲出黎系爱我嘅，但我知，佢地依然会担心我！好多时候，我将自己唔开心嘅、烦恼嘅都收得好埋。唔想讲出去，系唔想任何人去担心我。咁样我觉得会带俾人地麻烦！经历过嘅，只有自己知道果种滋味！好多野，唔再值得我在乎、执着。我要慢慢学住放弃。记得有个名人讲过，懂得放弃，先会有将来，有舍先会有得！系嘅......
致我最爱的你：
或者，当你睇到我上面嘅废话，你会觉得我眞系一个白幕香！其实我都唔知自己写紧咩。
不过，希望你明白，我嘅世界一直都存在阴影！我更需要人关心关爱。经历左咁多事，你仲会唔会好似之前咁对我？都希望你明白，珍惜眼前人！我啉，我嘅选择唔会有错！系最后一次了...
请、唔好俾我嘅世界再有悲伤！可以吗？
我地一齐寻找属于我地嘅幸福 |
|
发表于 2011-9-29 16:40:06
