|
|
我系鬼柒，我唔知道仲有无人记得我。
头先睇完西樵风，讲西樵论坛既，勾起左我好多回忆。
其实，我大后日就要走啦，离开广东都另一个地方开始新既生活，
可能以后都5会翻，就算翻都好少啦。
我已经好耐无上西樵论坛啦，今日系我最后一次上来，向大家告别。
音乐仔，你以后要调整下你D生活啦，5好再甘颓废，好好地稳翻份工，稳个女朋友啦，
我5想再同你偶遇，见你一个人甘孤单甘吃饭。
阳阳，你系我第一次去西樵论坛聚会时同我讲得最多野既人，
你好开朗好好人，我希望你可以稳到你一直想要既幸福。
粉仔，我5知道你同经经宜家仲有无系一齐，如果有，你要对经经好D啊
希望你地可以白头到老，永结同心啦！
动心，之前我同你之间有过好多误会，我5知你有无憎我，我系呢度郑重甘向你道歉。
一旧云，你系一个好好倾既人，多谢你呢段时间以来对我既教导，我会记系心入边。
阿yen，我5知道你会5会睇到呢段话，我多谢你一直以来甘欣赏我，仲得闲就打电话来同我吹水，识到你我觉得好开心，希望你既恋爱快D到啦！
小柴，虽然你系一个怪人，但都多谢你系D大大小小既事帮到我，即使我宜家已经5系好信任你了。
漫漫，我地已经好耐无讲过野啦，我要走啦，件衫都无可能再要啦，你随便处置距啦，仲有，你细路真系好可爱，呵呵。
四眼仔，你系西樵论坛出左名既好人，其实我每次经过你间店都会望下你系5系度，之前我师弟既事麻烦到你了，5好意思，系呢度我同你讲声多谢.
小鱼，你系一个好好既大姐姐，多谢你甘关心我，留意我，你唱歌真系好好听，如果可以，我真希望同你合作呢！
北极大叔，自由哥，多谢你地做我司机，你地都系好人，会保护人，论坛D女仔应该多D识你地。
欢欢小乖，你D书我真系5知道应该点还俾你，或者等我有机会翻来既时候，我亲自拿到你学校俾你啦，好吗？
yoyo，你最令我印象深刻既一句话就系，你总系觉得我系个高深莫测既人，我一直都霖5明点解你会甘觉得，但或者你系第一个直接睇到我内心既人吧！我真系觉得你好瘦，我想你肥小小啊~
水水，系电视到见到你啦，哈哈！我好开心可以识到你，因为你系一个好男仔，你好识得安慰人，多谢你系我失恋既时候愿意听我哭，希望你同你GF可以一直快乐！仲有，你老豆真系一个智者，我好欣赏叔叔距啊！
大boss星哥，多谢你肯帮我封左我以前个号，你系一个好爸爸，系西樵论坛一个好好既大家长.希望论坛以后更加多人气更好玩吧！祝你成功。
仲有好多好多其他既人，我就5讲啦！希望大家以后都开开心心啦！再见！ |
|
发表于 2007-11-19 12:56:29
