|
|
其实一直以嚟都好钟意果果`````
个性签名中其中一段话：
“生活中最简单的事也经常是最重要的。
当我哭泣我没有鞋子穿的时候，我发现有人却没有脚。 ”
生活中好多嘢，我哋都会忽视，有时会将一直在身边最幸福的事情也遗忘！
每日都一定有啲嘢係值得我哋留恋嘅，只不过，我哋成日都追求着别人的幸福，未识得去珍惜眼前！
好多人有咗自己嘅另一半嘅时候，会觉得别人的比较好`~
又有人话，自己永远都系最不幸的```
又或者，点解别人嘅运气永远比自己好`~？
其实凡事唔可以睇得太肤浅```所有嘢，我觉得应该由自己去争取，别人得到的，也不是天上跌落嚟嘅运气，佢哋背后，你又了解得几多``？
细个嘅时候，屋企附近有一个姐姐，因为细个嘅时候打错针，变成小儿麻痹，我觉得佢好惨``一个样貌不丑的女仔行路好怪，但佢仍然坚强咁生活；
我小时候嘅一个玩伴，有间歇性嘅精神病，有时大家同佢玩嘅时候，佢会突然变成另一个人，唔记得大家，仲成日向马路中冲！！我哋都以为佢读完小学应该算了，但佢冇放弃到，仍然继续追求佢想得到嘅嘢，读到中专，做咗老师，其实，病魔真系可以战胜的！！
中专嘅时候，下铺的女孩子有一只眼系瞎的```但佢也冇放弃佢自己，虽然冇同我哋一齐读完成个中专，但毕竟以佢自己嘅坚持做咗老板，结咗婚，做埋妈咪，我觉得佢係幸福嘅~~
同样喺中专嘅时候，同班一位男同学左耳系听唔到嘢嘅```但佢从嚟唔会放弃自己嘅爱好，佢打球，书法，样样掂！！而家仲做咗某医院药剂科嘅主任！我从心底敬佩佢！
……同样嘅故事仲有好多```但，负面嘅故事也不少```
从中专开始，就有好多人同我讲过话因为点样嘅失败所以自暴自弃，又有人话唔留恋世界……
我一直都不明白，挫折算得上什么！？你有几悲哀几痛苦！？
从嗰时开始我就好似一个知心姐姐咁开导别人，但唔知佢哋有冇听得入耳，但起码俾我见到佢哋完成咗自己嘅学业，然后出到社会工作！！……偶尔一起畅谈的时候，会回忆旧时的幼稚，然后哈哈大笑```
日子真的不多，有快乐的，也有不快乐的！
其实青春真系好珍贵，我唔明白点解有啲人会遇到挫折一蹶不振，
点解有啲人会遇到伤害就永远将自己打包，
点解明明有幸福嘅生活摆在眼前却不懂得去珍惜……
悉知有多少人想要更多嘅日子，悉知有几多人补唔返失去咗嘅日子！！
其实我哋成日喺度抱怨生活，点解唔试从其它地方去谂下仲有更多比我哋惨嘅人而选择坚强咁生活呢？
记住，生活上每一样嘢都系我哋成长中所需的！ |
|
发表于 2008-1-15 09:58:25
发表于 2008-1-15 09:59:31
