|
|
上年11月我堂家姐嫁了，表哥娶了
今年五月我亲家姐嫁了，二表哥也娶了
我堂哥原本系一个浪子~都受不了屋企人的压迫，今年年底准备娶老婆
比我大的全都成家了
意味着轮到我做炮灰了，呜呜呜呜
我家姐结婚果日，明明距大喜日子，距先系主角，
但家族各成员不论男女老少热力推销我比D男家兄弟
又话影我相，方便相睇~·
之后日日系我耳边讲：
唔好太拣择；过左25岁就难啦；人无完人，要相互包容啊；
稳老公唔使有钱又靓仔，对你好就得啦~~~屋企D老人一个一个甘走啦，睇得有几多~
叽哩瓜啦一大堆~~~将以前对我家姐讲D话一字不漏甘同我讲翻.
相对于感情，我好专一的。
曾经有个男我为距扑心扑命，但距可以一转身要去参七八年军，真不能理解。
依家对距完全死心了。
呢两个月，屋企人开始叫我去相睇，其实我个心好抵触，先23岁，就行到相睇呢条路
不过有时候林林，自己认识噶人太少，都系以识朋友噶心态去。
我性格好活泼的，而且面皮好厚下，好识讲笑
相睇时无论我睇唔睇得岩，我都好主动倾计，讲笑。
相比起D男，仲怕丑过我。声都唔声下，有D仲想望我又唔够胆望。
其实都系识朋友姐，何必将气氛搞到甘僵，好似一相睇就马上结婚甘。晕~
我系甘林，人地想法我真系唔知道
论坛度讲过一句话：爱情里，男人必先主动，不然放弃。
呢句话影响我太大。
同事总系话我，如果遇到自己中意噶，一定要有扮斯文扮淑女扮乜扮七，千其唔好主动。
其实遇到的都系我唔中意，所以无顾忌，如果遇到我中意的，我肯定马上好小女人的
天性嘛~扮唔到，
其实依个社会，相睇系咪已经好落后啦?仲有几多人系相睇紧？
依家屋企亲戚又对我讲拍拖呢D野，我通常都系答：
缘分贵在好，不是早！ |
|
发表于 2012-7-19 18:34:35
发表于 2012-7-19 20:11:47
