|
|
今日中午ya完飯,同平時一樣,坐係電腦前面及嘢,
Boss冇瞓覺就同我係度吹水,本來都係講開boss 嘅兩位公子嘅.(忽略好多)
boss話,人一般要到25歲先可以眞係可以識得思考社會上好多嘢嘅錯与對.
太早接觸社會好多時根本就唔分得清楚好与壞,
佢嘩佢依家已經教緊佢嘅囝,揀囡朋友,或者將來揀老婆,一定要揀一個啱自己嘅.
我就問佢,係米要搵翻個門當戶對嘅?
boss話,唔係,係要搵個識得相處,識得忍讓嘅.因爲男人好多時難免會逢場作興.除咗絕少一部分唔會,但係唔係有錢同冇錢嘅問題,有D可能好窮,但係會更加離譜,一個男人有自己嘅朋友圈子好自然就會有呢D事,問題係會唔會搞到翻車.
我就問,乜嘢叫翻車阿?
boss話就係搞到成個家散曬囉,連屋企人都知道係外面亂搞囉,有百分之八十幾嘅男人係只係逢場作興,百分之十幾先會包二奶或者係放感情係外面.
咁我就反問佢,咁如果D囡人係外面逢場作興呢?
boss好正常咁話,依家呢個社會正常阿.好多就唔會,但係呢種現象已經唔係罕見...
(省略好多)
聽到之後,我開始對婚姻,或者話對感情,有D唔知乜嘅感覺.
因爲我一直認爲,男人唔係一定要出去逢場作興,囡人結婚就生囝,照顧屋企人,平平淡淡,恩恩愛愛咁就會一世.
或者講,我好難好難接受到自己另一半會咁做,聽咗Boss咁講,我眞係好驚好驚,
或者係我未到個個位置,所以先會將呢D事睇得咁單純,
係米人大咗,面對嘅嘢就會更加多?
唉,感情,婚姻,其實係米眞係我想咁美滿?
我一直都好相信肥囝,佢都對我好好,雖然我哋之間冇乜嘢物質上面嘅嘢,
我唔介意佢唔會好似其他男囝咁送禮物氹我.唔介意佢連一日休息陪我嘅時間都冇...
只要同佢一齊已經好滿足,我怕,萬一佢到咗25歲,佢嘅思想會唔會變?
會唔會眞係同人哋去逢場作興?
(有D長,而且唔知大家睇唔睇得明,將就下,因爲連我自己都好亂) |
|
发表于 2008-11-2 17:25:37
