侠客
distant and indistinct……
- 积分
- 10150
|
注册左个帐号甘耐,基本上都无点发过贴,路过呢个板块,睇左一D贴,发觉都几有趣,突然间霖起D野就黎发下。
可能朋友间真系有D甘样既习惯,一段时间无见或者无联系,到联系翻或者见翻,都会问下:你女朋友呢? 假如你话无,跟住又会问:无沟女咩?如果你仲系话无,距实话:你厄鬼咩,实系成日沟女啦,你无女信你至奇!
我唔知道你地系米都有甘样既一种情况,面对住朋友甘样既问法,刚开始都不以为然,反正我都系如实回答姐,有就有,无就无。但后来发现,随着次数既增多,我开始有D无奈。我心霖:点解我非要有个女朋友系手?拖我唔系未拍过,但系米拍过拖既人就无时无刻都要有条女呢?我都话无咯。你非要同我讲话:你唔沟女信你既都傻啦!你甘讲,一次半次,我都无乜野。不过衰得你次次都甘讲,仲要唔系同一个人,基本上D朋友都甘问下讲下,我就真系好鬼烦,我又唔好意思系距地面前发牢骚。
我唔知我平时比人感觉点,而且好少会甘问朋友:喂!你觉得我点吖之类个D野。毕竟都好熟咯,仲问D甘既野感觉有D尴尬甘。但有一样野我基本上可以确定,就系距地班粉肠误以为我好识沟女。因为每次问完‘你无沟女咩’之后我都会话:我唔识沟女。但距地好显然系当我系度吹紧水晒紧命,所以我系度霖:点解距地会系呢个问题上对我纠缠不清。我点讲极距地都唔明,应该系话唔信。所以我霖翻起一件事,就系我上文第一段提到既,隔左甘耐终于引出正文,我霖你地睇睇下都几激气,唔好意思,我讲声sorry,唔好喷我吖,我心灵好脆皮架咋。sorry sorry sorry.......
因为我霖翻起一件事,所以感觉开始清晰而且了解到点解距地会甘肯定我好识沟女,从而系呢个问题上对我“死咬不放”
我仲系武汉读大学个时,就2年前,曾经拍过一次拖,你地都知啦,拍紧拖,2个人难免都会用手机合影下或者去拍下贴纸相之类搞一D情侣间比较有象征性既野。所以我将我地影过既相上传左上空间,就系上传左上去既第二朝,电话,QQ就死响,D朋友就系度追问:喂!条女唔错窝。边度架?几时开始架?性格点架?几时带翻黎见下先?等等...其实我都预左会甘架啦,不过我个人就系甘又唔系D乜野唔见得光既时,所以距地问乜我米答乜咯。但当我霖到呢度,同距地认定我好识沟女都无乜多大关系,好普通姐无乜特别啊。所以我再霖霖究竟距地仲问过我D乜而我又答过D乜。后来霖霖下终于有D明明地,我地班朋友入面就我同埋另一个朋友系出左省读书,其他都系翻广东,其实早在之前距地就有摞过呢样野开玩笑:喂!D外省妹好正吖窝,皮肤又好又够奔放。沟翻条啦。可能因为甘,距地一知我有女就特别兴奋,恨不得连我条女既家底都翻起埋。我地个边既学校都无乜限制既,即系话,人地D学校你可以四围入去,甚至去上埋课都无乜人理你,而我个位女朋友唔系我自己学校既,系附近其他既学校,因为个时无聊,所以走左入去距间学校四围逛,又甘岩好有个公开性既讲座,米入去听左下咯,而距当时就坐左系我隔离,就系甘样倾左几句,发觉都几好倾,就相互留左QQ,但无留电话。之后就系QQ度倾,过左段时间我先敢问距要电话。就普普通通甘,慢慢熟落最后系一齐。可能D朋友就系甘样误认为我居然沟女可以沟到去其他学校甘牛X,毕竟呢种情况系我地入面我算系第一个,但系呢D真系好偶然,我鬼知我无聊入去逛下居然会识到女姐!不过有一样野我一直都无同距地讲过,关键就系度啦。就系我要左距QQ同距电话既期间,我地都系好普通甘讲下野,而且系距答应我之前,我地一直都未出黎见过,除左第一次讲座见过之后,真系普通甘倾计而且次数唔多上Q就一个星期同距倾3-4次倒(30-40分钟),电话都系1-2个姐(10钟左右)。倾既内容绝对无任何暗示或者明确既表态,就系好普通。系米觉得我好烦?死强调普通。不过真系好普通嘛。所以最后我系唔知发乜神经突然间倾倾下电话系距毫无准备既状态下同距讲(其实我自己都无准备所以我先话唔知发乜神经):你做我女朋友好唔好?电话既另一面好显然比我突如其来既一句甘“震撼”既话吓亲左,即刻无晒声,之后我突然心口发慌,感觉自己讲错野,但又10下10下甘补左句:好嘛?过左几秒距好细声甘回左句:恩。之后吸左电话。其实系距吸电话之后既几分钟我都仲未回过神,而且之后几日我都唔敢打电话比距,额。。。唔好意思扯得远过头添,之后点样你地有兴趣再问我啦。其实到呢度,我呢个贴就讲完架啦,由我摞左距QQ电话到做我女朋友之间发生既无非就系甘:要QQ——摞电话——闲聊——直接同距表白。所以我系度霖,我甘样算唔算沟女?假如你话算,但沟女既沟字含义我又突出唔倒喔。我可以叫系识沟女咩?一句讲晒:我唔识沟女。你班粉肠放过我啦!
|
|