|
|
楼主 |
发表于 2009-8-10 11:20:36
|
显示全部楼层
| 来自广东
第六章: Sunday VS 生日party（2）
我同啊CAN故意遲到左成个钟..就喺想喺人多嘅時候…等佢覺得好有FACE
死人CAN淨喺幫我拿咗扎花….叫佢幫下手拿只毛公仔就話一個大男人拿住只大公仔好乸型…咁多人死唔見佢去死…搞到我一個人要拿只公仔同埋個蛋糕…..
有得俾我揀..我真喺唔想佢做我兄弟…鬼叫佢真系我好兄弟咩..真系矛盾
當晚.琳琳著得簡單而隆重….原來女人化妝會比平時好睇N倍嘅….以後我都唔再介意女人化妝了..
一入到間房..就見到所有人嘅目光都望曬過來..即刻好多人喺度討論..
“嘩~~~!!好大只公仔喎…”
“又有玫瑰花添“
“喂..喺咪你條仔啫…”
“咪住咪住…有兩個男噶啵..两份礼物添呀”
“喺啵..邊個先喺啊？”…….
我行埋去..將個公仔送俾琳琳…“衰女…你嘅..中唔中意呢….今晚想點報答我呀…”
“好恨要你只公仔呀？！”佢半嬲半笑咁。。
“咁算啦..反正哩度咁多靚女…我是但送俾佢地囉….”
正當我物色人選嘅時候.. 佢一手搶個過嚟“喂！..今晚我生日啊..無禮物者...恕不招待!”
“乖乖地收咗咪好啰..仲咁多嘢講….仲有呀…玫瑰”我從CAN手上拿起扎11支嘅玫瑰遞過去…
“哇…使唔使送咁多樣嘢俾我呀…你又唔喺我倏仔….做咩啫…想溝我呀?”
“喺啊..咁你應唔應承呀?”
“你地迟到啊．．唱返首歌仔先啦＂距有意避开我话题．．究竟佢想點．我真系唔知
啊ＣＡＮ拿左一個盒遞過去“嗱．琳琳．我送俾你既禮物．．不過你依家唔好拆住呀．＂
＂多謝..點解呀？＂
＂因為入邊有Ｄ唔見得光既野羅．見光即死＂
＂甘神秘？我又想拆?＂
＂是但你啦．．到時後悔唔好話我＂
＂．．．．＂
我無理佢兩個..我走咗埋去其他人度坐低..
個party入面．小玲都有來．．我離遠向佢點頭示意．．佢笑左笑甘回望我．轉頭系度同其它男仔一齊玩緊大話式．
佢點解又對我甘冷淡既？好迷．．女人點解個個都喺甘樣．．系都要另到男人估佢唔到．不過算啦．我只系当佢系朋友.今晚既目標系琳琳．唔系佢．．
成晚系甘唱歌．玩式盅．．我發覺有Ｄ悶．．可能因為人太多．．又唔識．．無乜話題．個個都系學生仔．．在場除咗我同啊ＣＡＮ．無邊個有20歲．
＂JUNO.今晚有2個靚女啵.點啫..黑色衫個件唔錯”
“你唔喺話溝琳琳咩”
“死仔.我知你中意佢噶啦..所以呢.頭先我已經同佢講..你今晚為佢訂左東方會同埋買禮物哩D野..嗱..咪話唔夠兄弟呀..好話我已經講晒噶啦..只不過..佢完全無反應咋..”
“甘佢有無講乜野啫?”
“有..咪話佢知道羅”
“知道咩啊?’
“知道你中意佢哇..刀..唔講了..溝女.”
我真系有D緊張..琳琳會唔會俾反應我呢?因為我已經不知不覺甘樣愛上佢了..K房提早散場..
大概8個人左右跟住轉場去東方會…其它人個個都返屋企訓覺…聽日要返學..剩低個D..肯定系平時出來蒲慣既人啦..包括琳琳同小玲都喺..
琳琳好飲得..但喺就好湯得.. .系東方會.我地一齊玩大話式.上訴..15.20….琳琳既15.20一樣喺甘叻....不過佢D大話式都系一樣甘屎…..飲咗好多..大家都玩到好開心.…
“琳琳..你同JUNO一齊part…我同哩位靚女part..新規矩.唔准幫飲超過三杯限額...幫飲超過第四杯開始,..輸既要聽贏方做一件事”
“好啊..反正我D手指靈活.你都甘大年纪了,,小心骨质疏松呀..CAN你輸硬啦..”
“睇下點..依家系食脑既..唔系食手指呀小朋友…..你唔好搞到要JUNO幫你飲就得了..幫飲唔緊要啊..到時你送佢返屋企就得了…仲有啊..如果你輸咗..要听晒我话噶啵…哈哈”
“我好驚呀”琳琳伸倏脷出來..作咗個鬼臉…
今晚可能因為佢已經飲咗好多…發覺佢總喺好似有D暈暈地…唔知系咪啊CAN故意要琳琳輸..每次CAN贏既時候..就一定會玩大話式..次次都唔同琳琳玩15.20….而琳琳既大話式輸數實在佔數太多…我都已經飲到上咗几趟廁所…
幫佢頂左第三杯既時候..CAN就开始霖定玩人招数了:“點呀。。第三杯了啵...第四杯就要玩遊戲噶啦。。哈哈”
琳琳好明顯唔掂了..但佢無叫我幫佢頂第四杯…佢唔想輸俾哩個遊戲….最終都系輸左
“琳琳..你識計數噶啦..依家你望過去最前面第一張台…有無見到個靚女？你過去幫我問佢拿個電話號碼同埋姓名..如果有QQ最好都問埋..”
“哇…玩野啊？想識女仔都唔使揾我嚟過橋架…正仆街嚟噶…都唔系我強項…點拿啫.”
“甘你自己輸咗..有咩辦法哦…我系都要個倏女既電話噶啦..你去唔去呀？”CAN用強迫性既眼光望住琳琳。。
琳琳好唔耐煩走咗過去…
我地個個都系度望住佢點樣拿電話號碼..我都好好奇..
只見琳琳行埋去個倏女度同個女既打咗個招乎…好似講左幾句野..之後走埋去倏女一齊玩既幾個男生度坐低…..系個耳邊唔知UP乜。。玩左一下手枚…就拿部手機出來..過咗無幾耐..就行返過來….
啊CAN好開心甘講：“點啊..琳琳..拿到未啫…”
“拿到啊…好在..我仲未醉…如果唔系我都拿唔到…“
“點解啊？”
“無啊..嗱..電話號碼啊..死仆街….”琳琳拿部手機出來遞俾CAN
“女仔人家就斯文D啦…成日仆街前仆街後…邊有男仔追你架…”
“關你鬼事啊？無人要咪JUNO要羅。。。。JUNO呵”琳琳好似開玩笑既語氣又望咗我一眼…
我無出聲..只系笑咗一笑…
CAN望住我“JUNO…唔好笑住…你都未完成任務…甘啦….大學一場兄弟…你嘴啖琳琳就算數了”
CAN旁邊個倏女話“哇~~~~..琳琳..有人擺到明要博你懵啵….JUNO..你執到啦…”其它人都系度起哄“嘴佢..嘴佢..嘴佢………..”
琳琳佢唔好意思甘樣望咗望我… 我發覺小玲都注意緊我地…見佢轉身就走咗….唔知點解..我會覺得有一種內疚感同埋罪惡感….“算啦算啦..我自隊一支就算數啦”講完我就自己拿住支酒系甘灌自己….
我走咗去廁所…我嘔得好犀利…個頭好痛….發覺飲甘多酒..為咗乜呢？
散咗場之後.. 我送琳琳.小玲同幾個女仔…甘夜佢地個個都返唔到學校….我又開咗一間房俾佢地幾個住…
送咗佢地上房之後…我就走咗…我開車返到屋企..打咗個電話俾琳琳…打咗好耐..個電話先通：“喂..琳琳呀..訓咗未呀？”
“做咩呀…未訓呀..我都聽住你電話羅..不過佢地個個都訓咗啦..”唔知系咪佢飲醉酒.把聲特別溫柔.
“有無醉呀你”我發覺我開始講野有D語無論次.問佢D甘既問題.可能系因為緊張
“邊有醉啫..有D暈甘羅..你攰就早D訓啦好無…你聽日都要返工”
“我聽日霖住請假呀..甘既狀態..邊度返得到工…你今晚玩得開唔開心呀”
“好開心呀..多謝你只公仔?..我好中意…哈”
“其實有一個問題想問你嘅”
“問呀”
“你點問個人拿到電話號碼嘅？”
“哦..無啊..我都無霖到我會拿到嘅…我行埋去同個女仔打咗個招呼..指咗下其中一個男嘅話我系佢朋友..之後咪坐系個男既旁邊同個男既講..我系東方會度做架…下次你過來訂台..D酒水我可以打個折俾你嘅…你俾個電話號碼我啦..個男既話..如果你贏到我嘅..我就俾我電話你啰.！我咪一口答應啰..順便要求多一個條件..就系要講埋個倏女既電話號碼同埋名過我.。你知噶啦…我D15.20幾叻架…三兩下咪贏咗佢羅..佢咪俾電話號我羅。。哈哈”
“哈..你個衰女..系得嘅…”
“哼..使乜講”
“我再問多你一個問題”
“嗯”
“你有無男朋友”
佢遲疑咗30秒無出聲….“做咩呀”
“你答我啦”
“無”
“甘我可唔可以做你男朋友啊”當時嘅我..真系好緊張…我好想距做我女朋友…我想照顾佢.
“JUNO啊..我地識咗唔系好耐..不如俾D時間大家認識長時間先好無…我知道你系中意我架..我都FEEL到…CAN都講咗俾我知..其實我對你都有感覺嘅….但我一D都唔了解你…你俾我嘅感覺系花花公子..我唔想要哩種男仔做我男朋友啊``我唔想俾人玩我啊”
“我唔會呃你架…我點會玩你啫…..你信我啦..我個樣似之嘛..我唔系架..我好專一架….你會唔會俾個機會我..等你去了解我啊？..我可以證明我唔系花心架…”
“你甘有錢..又有車有房..又系大學生..我讀中專噶咋…大把好嘅女人好過我啦.你唔好玩我啦.”
“我無玩你架。。我認真架….我唔系有錢架…D車同房都系屋企人買嘅..大學生又點啫…我都無介意過你乜野…我中意嘅系你個人..你嘅性格….唔緊要架…你想知道我D乜野我都可以講晒你知架..不如哩個星期我車你返石角..我再講你知呀…”
“你俾時間我考慮下先啦..我要訓教了..88”
“好。我等你，88”
琳琳第一次聽我講完88先收線….講完哩一番說話之後..我成個人都輕鬆晒..我好想知道琳琳會唔會俾機會我…我都好唔明..乜我個人似開玩笑噶咩… |
|
发表于 2009-8-10 10:47:00
