最近,某密友同男朋友分手了,
曾經佢哋係幾恩愛,密友的朋友都羡慕佢,話佢男朋友真係對佢好好,
但最後,可能因爲時間問題,又或者係屋企問題,抑或係其他問題.還是分手了.
10月中,密友男友仲幫佢搞生日會,密友好開心,話咁大個女第一次咁多人同佢過生日.
或者,呢個男仔可以俾到佢嘅,就只有咁多了,
希望密友唔好太傷心,樂觀面對拉.
不過邊個可以躲得過愛情嘅傷害.
上個月同佛山的某朋友食飯,講開佢嘅感情生活,佢話身邊其實有好多男,只係冇辦法可以接受個D人.
因爲佢依然冇辦法忘記前任,已經分手接近一年了,但佢依然會霖起前任就會喊.
曾經多麽瀟灑的她...
仲有就係,呢個我,都係大半年了,我都一樣放唔開,
而呢半年,我發覺自己簡直係顛覆了曾經的那個我,有點恐怖.
懶咗,大洗咗,虛僞咗,,,,
以前拍拖,生活就只有工作,家庭,仲有就係那個ta.朋友圈子可以講係冇,更加唔好講男性朋友,感覺就係我哋兩個大家都綁si大家.但又安于現狀.而個種生活,過咗好長好長一段時間,依家霖霖,真係唔知自己係點過的.
分手了,冇人管,都唔使管人,于是識咗好多朋友,最奇怪係呢排成日同甲一齊,過一排又成日同乙一齊,當然唔係拍拖...
本來中意唱K,唔中意酒吧嘅我依家中意酒吧多過唱K.
跟住幾個無聊人係咁係度你劈我我劈你.最大嘅收穫係,肚腩好似有D啤酒肚迹象...
本來,覺得呢D生活其實都唔錯,只係有時會覺得有DD寂寞,
前幾日,前任突然打電話俾我,講工作拉,講生活拉,講感情拉,
我知佢依家已經拍拖了,但佢從來都唔中意同我講佢嘅感情生活,但又中意問我嘅感情生活,
結果本來有嘢忙緊嘅我同佢傾咗一個下午,跟住,心情就一直down到依家.
以爲已經可以唔掛住佢,但原來唔係.原來一直以爲自己冇嘢,但其實係一直都有嘢.
唔通愛情就冇簡簡單單,白頭偕老麼?
下個星期,就係光棍節了,今年嘅光棍節我有份過~
光棍之後就係生日,咁就意味住又少咗年青春.
呢個十一月,過得有點無奈... |
等待适合我的人出现
发表于 2009-11-4 23:27:32
