|
|
其实好多人都唔知道……女仔每晚要求男仔发短讯&打电话比佢，原因系佢唔想，同男仔彼此两人嘅关系变得疏远……
其实好多人都唔知道……女仔每日都一次又一次望住自己部手机，甚至挪住系手几个钟头都唔舍得放低，原因系佢期待紧，男仔发短信来，然后再好快复佢，再一次又一次翻睇手机里边嘅短信，好唔舍得删咗去……
其实好多人都唔知道……D女仔咁钟意keep起D短信，原因系：女仔想留住男仔发比佢嘅每一次感动，佢想时时回忆起大家一齐嘅开心、快乐，甚至系好重要嘅日子……例如边日系男仔同自己讲“老婆仔”，边日同自己讲“傻猪，起床呐”，新年嘅倒数&情人节&生日等等，同自己讲“老婆，我爱你啊”甚至系自己病咗嘅时候，男仔发来嘅“老婆你点啊？仲有无事啊？老公好担心你啊”，又或者某日，同自己讲“老婆，我好挂住你啊”……所有嘅一字一句，都系女仔最想珍惜嘅……
其实好多人都唔知道……女仔出街时候，钟意男仔好主动嘅拖手，临走时嘅拥抱，同埋好温柔嘅goodbye kiss……原因系女仔可以好似比心爱嘅人征服一样，好似只乖猫咁，而且好怕丑，对男仔好依赖……
其实好多人都唔知道……女仔上课时，都会走神，留恋同男仔好sweet嘅时候，原因系女仔系不知不觉间，钟意上男仔，好想到周末放假嘅时候，同佢一齐去街，做自己钟意嘅嘢 ……
其实好多人都唔知道……女仔钟意行街时，拖住男仔去贴贴相铺影贴纸相，原因系女仔想时时见到男仔，将男仔最QT时候嘅样记住，而且放系银包里边，想男仔每日都可以同自己贴身咁一齐……
其实好多人都唔知道……女仔钟意男仔去接佢放学，或者系自己去接男仔放学，原因系女仔想话比其他人知，男仔嘅女朋友系自己，系向所有对男仔有意思嘅人****，要话比男仔身边嘅朋友知，自己系佢女朋友……
其实好多人都唔知道……女仔会成日节食，悭钱，原因系为咗要靓D……仲要悭钱，行街嘅时候，帮男仔买好多嘢 ，会唔话比男仔知，比个surprise佢…… 女仔舍得花钱起男仔身上多过花起自己身上，因为个男仔开心，女仔会更加开心，一份礼物就可以令两个人都咁开心……
其实好多人都唔知道……女仔会为咗男仔学织嘢 ，原因系好冻天来了，想男仔翻学无咁容易冻亲，女仔会开通宵，去学织围巾送比男仔，自己织得唔好，织完一次又拆，拆完又织……
其实好多人都唔知道……系男仔生日嘅时候，女仔会花心思去比男仔惊喜，原因系女仔想男仔觉得好甜蜜，想男仔嘅每个生日都过得咁开心，快乐，难忘，女仔想男仔记住每个有女仔嘅生日，想自己可以起男仔嘅生命中深深咁存在过……
其实好多人都唔知道……唔钟意玩游戏嘅女仔，会去学玩，原因系想同男仔有共同嘅语言，同男仔有共同嘅话题……
其实好多人都唔知道……日子耐咗，两个人嘅问题变多咗，摩擦都多咗，变得argue咗，女仔仲系一惯嘢 蛮，原因系女仔好怕男仔以后都唔会再氹翻自己啦，女仔有时只系想起男仔面前咋下娇，想男仔多D氹女仔，原因系女仔想男仔更加着紧自己，想知自己起男仔心中嘅分量重唔重要，其实，男仔只要紧紧咁抱住女仔讲句“傻猪”就已经好快无事嘞，再加上一吻，就咩事都无发生过一样咁，然后，女仔就会软软咁将头埋起男仔嘅怀中……
其实好多人都唔知道……但男仔提出分手嘅时候，女仔都会不顾自尊，原因系女仔想挽回男仔嘅心，即使要自己点改都可以，但系女仔苦苦嘅哀求，男仔都无动于衷，讲“我地分手啦”…… 男仔永远都唔理解女仔嘅心有几咁痛……
其实好多人都唔知道……系分手后，女仔每日嘅日子系过得几咁勉强，原因系佢真系好挂住男仔，希望可以有转机……
其实好多人都唔知道……分手后嘅日子，女仔会偷偷行过男仔屋企，企系男仔房个窗口，望住佢，原因系女仔想可以多见男仔耐D，知道男仔过得好唔好，有无变到，都好希望男仔望出窗外见到佢，但系当男仔望出来嘅时候，女仔又好快囄埋咗，好惊男仔见到……
其实好多人都唔知道……女仔害怕上网，原因系佢好惊见到，男仔online时，见到女仔都唔会同佢打招呼，甚至系倾计，系每次刷新男仔嘅资料时，上面写嘅嘢 ，已经唔再系属于女仔自己，仲有系男仔嘅空间度，唔会再有自己嘅留言，甚至系眼白白望住男仔删咗自己嘅留言，去回复第个女仔……
其实好多人都唔知道……女仔害怕见到男仔嘅朋友，即使系图书馆里边撞到，都觉得好难堪，原因系女仔好惊听到有关男仔嘅消息，即使系无意中提到男仔嘅名，女仔都会觉得个心隐隐作痛……
其实好多人都唔知道……女仔系分手后，仲默默为男仔做好多嘢 ，每年嘅乜节日都会好神秘咁送礼物比男仔，原因系男仔无一刻钟离开过自己心……
其实好多人都唔知道，女仔系分手后，女仔会将男仔送俾自己嘅每样嘢，为男仔写嘅每篇日记好好咁保存，仲会时不时挪出來回味，想翻属于佢地嘅回忆，有时，女仔睇睇下仲会偸偸咁喊……
其实女仔最惊、最惊，见到自己最心爱嘅人离开自己，即使系一觉醒来，发现男仔却另有新欢，自己付出嘅所有，所有嘅感情都浪费咗，其实女仔为心爱嘅人系唔会在意自己已经付出咗几多嘅，只会一心啉住佢爱嘅人，点样先会得到幸福， 所以，女仔一直都咁傻……
其实好多人都唔知道……女仔要求每晚打比佢，发信息比佢,其实男仔会觉得好唔自由嘅，因为当我无揾你果时未必唔挂住你,唔系每晚做同样嘅嘢先叫做心入边有你……
其实好多人都唔知道……除咗女仔会期待对方嘅短信,其实男仔都会,有时甚至会比女仔更期待…… |
|
发表于 2009-12-3 21:05:25
