连续三个星期加班,而家唯一的感受就系想训.再深入D就系想走人.记得有一次加班加到十一点半,自己一个人走返宿舍,边走边训觉,突然前边转弯位有部车突然出现,吓到我当时醒晒,眼泪都流出来了.企系度企左好耐.然后才记得打电话比个同事,果晚都吾知系部车吓我定系我吓个同事.总之而家林起都惊.而家部电话变左闹钟.好少人打电话比我了.自从黎左呢度做野之后.因为次次电话响我都无接,我有时间果阵人地又吾得闲,久而久之手机就无响了.星期六林住吾使加班可以返屋企,点知比个老细拉左去食饭,理由系人数吾够要充场面.我话我想返屋企,老细竟然话你又无男朋友甘早返屋企做乜.之后虽然补充多一句,问我想吾想去,如果真系吾想去就吾好去.果阵我仲边有得拣.唯有跟住一齐去.我记得个老板讲过用人不疑,疑人不用,但系间公司装晒闭路电视,监控系统,一有问题就叫我去处理,开始D同事都仲叫我做烦人,而家叫我做奸人.犯众憎的后果就系我办事更加多阻滞.有次开会,全部系男人,得我一个女仔,成个过程当我无到,粗口连篇,最反感就系讲左句"女人,好就女人,吾好就累人."我顶左一句"男人,好就男人,吾好就难忍."越林就越想走,但系我朋友个妈同我讲左一句说话,如果我甘样都受吾到,就算我去到甜州都系苦地.我记得阿姨对我忠告,而且学校未发毕业证,暂时都未可以辞职.有时我林,点解我一定要系出边稳工呢?甘辛苦为左乜?同埋我一齐出黎果D同学,系屋企附近稳工都可以做得甘长久,但自己两个月就转左三份工.同学问我点解可以转工转得甘快,我话我无要求,其实系我自己都吾知自己想做乜.或者我要重新再考虑过先得啦. |