|
今日,我的天系灰色的,心情,系灰色的,一切,都系灰矇矇的~~
喺論壇睇到一張關於重男輕女嘅貼,於是,好想好想好想問,點解仔比女好?
記得好細個嘅時候,嬤嬤就一直唔鍾意我。因為家姐第一胎,所以嬤嬤錫家姐,
我系第二個,本應系仔!!當時抓計生好嚴,其實我差少少就同哩個世界擦了邊……
當嬤嬤知道我唔系仔嘅時候,就一直都唔鍾意我。因為爸爸同媽咪都系做政府工,
如果再要追```會冇咗份工。
所以,嬤嬤一直唔鍾意我。就好似我當初為咗令發神經開心講嘅嗰個童年趣事咁樣,
家姐帶我去幼兒園玩,點知佢自己冇睇路跌咗落坑渠,嬤嬤就鬧我!!
所以,喺我印象之中,我同嬤嬤嘅溝通系好少嘅,但我仍然好錫我嘅嬤嬤。
嬤嬤一直怨媽咪冇生個細佬,所以同媽咪都好少嘢講。本嚟都冇咁差,但有一次,
家姐發高燒,嬤嬤帶家姐去搵神婆,神婆開咗一道符,嬤嬤居然燒嚟俾家姐飲……
媽咪一手拍開,裝住符的水灑落滿地……嬤嬤系一個迷信的人,所以恨媽咪對神嘅不
敬重……但我知,媽咪一直都好敬愛嬤嬤。
小學三年級,屋企要搬了,嬤嬤唔肯同我哋一齊搬,就去咗大伯度住,大伯兩個都係
仔,所以佢哋關係好好。
小學五年級的時候,嬤嬤又搬嚟同我哋一齊住了。我日日都煮嘢俾佢食,個陣時,第
一次聽到嬤嬤贊我,但都唔系滋味!!因為佢話唔要阿媽煮嘅,我煮嘅都好食……
佢成日都系一個人去買餸,又唔同我哋一齊食```食完就行喺個小區中心同其他老人
家吹水……
最後,嬤嬤又走了,我六年級嘅時候,佢話想返老家睇下`````
六年級最後一個學期,嬤嬤走咗了,因為佢病咗嘅時候,居然唔相信醫生,而去求神婆,
神婆開咗一道符,佢燒嚟飲咗之後,覺得好好多,話醫生冇用,淨系識得打針!再連食咗幾次,
就走了……但,病床邊,佢只想見爸爸同家姐……
我聽到好灰`````班主任都知道嬤嬤走咗嘅消息,叫我唔好傷心,我擺擺頭,笑咗下……
其實好想同老師講,我好想問嬤嬤點解唔喜歡我!? |
|