|
开堂教学.大家请鼓掌.
(比较长篇.有D用的)
首先介绍下自己.
我叫肥林.91年既.唔高唔矮唔肥唔瘦.唔靓仔.钱就无几个.学识无几多.
出离社会三年.碰过既女性有几多.唔记得了.
85年到95年既都遇过.
OK.入正题.系论坛见到好多蒸女朋友.
我觉得你地好悲催啊.
正如我所讲.我条件唔掂.咁如何可以吸引异性既注意.
1.衣着.哩个好重要.要改变都好简单.
当你唔系西樵买衫裤.唔买安踏唔买李宁唔买美特斯
咁你成功左一半.
当你去过I.T买衫你就算系成功了.
或者你觉得你宜家T恤牛仔裤波鞋好符合你既审美观.
大错特错.你要有多个造型.
你要做到英伦.街头.正装.运动.各个类型你都可以着得起.
然后.颜色搭配.哩个我好难解释俾你地.
基本上白加黑永远唔会过时.灰色同样.你可以有一条黑色的休闲裤.咁就可以无限搭配.
有人中意成身都系黑.OK的.只要你衫裤鞋质料唔同.黑既深浅唔同.同样唔会俾人另类既感觉.
2.言行举止.我知道.好多男人都成日将粗口摆嘴边.
我唔反对.起码粗口都系一种文化.
但系系女生面前.请稍微收敛一下.特别系你心仪既对象面前.
乜嘢话该讲,乜嘢话唔该讲.初次见面印象分非常重要.
你俾人感觉你好低俗.人地望多你一眼都会觉得烦.
仲有.唔好太过高调.试图用夸张既动作语言离吸引人.
失9礼人!
而有D男人会内向怕丑既.OK.哩个你要坚信.对方同样都系人一个.唔系神.你唔需要惊
不过不要太过过分的关心体贴.会令人尴尬的.
一个人应该有既修养素质.你去读大学都系学哩D嘢.
3.话题制造.你地唸下你地同女仔倾计.一般会讲D咩?
你有无试过有时候个女仔讲到一个话题.然后你接唔到落去.
你需要接触更加多既嘢.广泛涉猎.
例如我咁样.
我无睇NBA既习惯.但我知道热火系夺冠热门.
我唔系车迷.但我知道全世界最便既后驱车唔系锐志而系smart.
我唔追手机但我知道点解苹果咁贵.本来一体机就系要俾普通有后盖既手机贵几百蚊.
我唔系女人.但我知道女人睇时装杂志会睇vivi.一到夏天就中意着波西米亚裙.最简单既化妆系搽BB霜.
DHC就系佢地眼中既神物.索女会中意镜哩个牌子.潮女会中意H&M.
第一次见面最失败就系查家宅.你想知道佢屋企状况.你了解到佢平时既消费就可以知道啦
好过你直接问佢家庭状况.
总之.你唔一定样样你都要学精.但你要知道.咁样你先可以制造无限既话题.
吸引佢既心思系你身上.令到佢觉得同你倾计好愉快.
4.唔好太过相信介绍这东西.
我坚信.只有自己搵既才是最好的.
首先.经过相睇或者网上或者别人介绍的异性.
如果条件足够好.需要唔需要通过哩D途径去认识异性先???!!!
我宜家单身.好多人话介绍女仔俾我.我一律say no.
因为唔啱会令到朋友尴尬.更况且我唔需要介绍.
如果话乜嘢工作原因.识唔到.
我就问一个.咩工作咁犀利???
我就试过.自己一个人去睇电影都可以睇左个女朋友翻离.
系咪就真系因为工作就认识唔到异性先?
你可以参加聚会.最直接既社交方式.
5.改变一下你既习惯.
睇电影唔好净系睇钢铁侠速度与激情.你可以尝试下睇云图哩种描写手法特别既电影.
唔好成日去酒吧宵夜唱K.一班朋友搵间店仔坐低饮嘢吹水.拓宽一下自己既交际圈.
唔好晚晚挂住篮球电视电影打机.你可以思考下人生.铺设一下自己以后条路.计划计划.不断的计划
唔好成日听中文歌.无边几首系有内涵.或者林夕作既词的确有深度.你听下英文歌.唔识都可以扮下嘢.
唔好成日用自己既思想去衡量别人既态度.
尽量做个有品味有思想有内涵的男人.
用内在去吸引人.
有乜嘢唔明.可以跟帖问.我今个月好得闲.
每个人都会复.拍拖有咩问题都可以问.
俾你地最客观既答案![](static/image/smiley/pw_default/pp.gif) |
|